ഹാര്‍വാര്‍ഡ് തന്നെ ഏറ്റവും മികച്ച യൂണിവേഴ്‌സിറ്റി ( Harvard tops world university rankings)

ലോകത്തിലെ ഏറ്റവും മികച്ച യൂണിവേഴ്‌സിറ്റിയായി തുടര്‍ച്ചയായി നാലാം തവണയും അമേരി ക്കയിലെ ഹാര്‍വാര്‍ഡ് തിരഞ്ഞെടുക്കപ്പെട്ടു. ലോകത്തിലെ 150 രാജ്യങ്ങളില്‍നിന്നുള്ള യൂണി വേഴ്‌സിറ്റികളെ ഉള്‍പ്പെടുത്തി ടൈംസ് ഹയര്‍ എജ്യുക്കേഷന്‍ നടത്തിയ ആഗോള റാങ്കിംഗിലാണ് ഹാര്‍വാര്‍ഡ് ഒന്നാം സ്ഥാനം നിലനിര്‍ത്തി മികവ് കാട്ടിയത്. അമേരിക്ക യിലെതന്നെ പ്രശസ്തങ്ങളായ മസാച്ചുസെറ്റ്‌സ് ഇന്‍സ്റ്റിറ്റിയൂട്ട് ഓഫ് ടെക്‌നോളജി (MIT), സ്റ്റാന്‍ഫോര്‍ഡ് യൂണിവേഴ്‌സിറ്റി എന്നിവ രണ്ടും മൂന്നും സ്ഥാനങ്ങളിലെത്തി. 

ലോകപ്രസിദ്ധങ്ങളായ കേംബ്രിഡ്ജ്, ഓക്‌സ്‌ഫോര്‍ഡ് സര്‍വകലാശാലകള്‍ യഥാക്രമം നാലും അഞ്ചും സ്ഥാനങ്ങളിലെത്തി. ലണ്ടനിലെ ഈ സര്‍വകലാശാലകളായിരുന്നു ദീര്‍ഘകാലം ലോകത്തിന്റെ നെറുകയില്‍ വിരാജിച്ചിരുന്നത്. ബ്രിട്ടണില്‍നിന്നുള്ള 10 സര്‍വകലാശാലകള്‍ മാത്രമാണ് ആദ്യ നൂറിലുള്ളതെന്നതും ശ്രദ്ധേയമായി.

ചൈനയില്‍നിന്നുള്ള രണ്ട് സര്‍വകലാശാലകള്‍ ആദ്യ നൂറില്‍ ഇടംപിടിച്ചപ്പോള്‍ ഇന്ത്യയില്‍ നിന്നുള്ള ഒരൊറ്റ സര്‍വകലാശാലപോലും ഇതിനടുത്തുപോലും എത്തിയില്ല. പഞ്ചാബ് സര്‍വ കലാശാലയും ഡല്‍ഹി, ഖരഗ്പൂര്‍, റൂര്‍ക്കി ഐഐറ്റികളും 200നും 400നും ഇടയില്‍ സ്ഥാനം കണ്ടെത്തിയെന്ന് മാത്രം ആശ്വസിക്കാം. 

ഹാര്‍വാര്‍ഡ്, ആദ്യ ഉന്നതവിദ്യാകേന്ദ്രം

1636ല്‍ സ്ഥാപിതമായ ഹാര്‍വാര്‍ഡ് അമേരിക്കയിലെ ഏറ്റവും പഴക്കമുള്ള ഉന്നത വിദ്യാകേന്ദ്രമാണ്. ജോണ്‍ ഹാര്‍വാര്‍ഡ് എന്ന ഇംഗ്ലീവുകാരനായ പാസ്റ്ററിന്റെ പേരാണ് ഈ യൂണിവേഴ്‌സിറ്റിക്ക് ലഭിച്ചിരിക്കുന്നത്.

പ്ലസ് ടു പ്ലസ് വണ്‍ പരീക്ഷ ടൈം ടേബിള്‍ (2014 Plus Two Exam - Time table)

ഈ അധ്യയനവര്‍ഷത്തെ പ്ലസ്`വണ്‍, പ്ലസ്`ടു പരീക്ഷകള്‍ മാര്‍ച്ച് മൂന്നുമുതല്‍ 22 വരെ നടക്കും. 

പ്ലസ് ടു പരീക്ഷ ടൈം ടേബിള്‍

മാര്‍ച്ച് 3	പൊളിറ്റിക്കല്‍ സയന്‍സ്, കമ്യൂണിക്കേറ്റീവ് ഇംഗ്ലീഷ്, സംസ്കൃത ശാസ്ത്ര.
മാര്‍ച്ച് 4	ബയോളജി
മാര്‍ച്ച് 5	ഇക്കണോമിക്സ്
മാര്‍ച്ച് 6	കെമിസ്ട്രി, ജേര്‍ണലിസം,
മാര്‍ച്ച്10	സൈക്കോളജി, ഹോം സയന്‍സ്, അക്കൗണ്ടന്‍സി, ജിയോഗ്രഫി,ഫിലോസഫി,ആന്ത്രോപ്പോളജി
മാര്‍ച്ച്11	പാര്‍ട്ട് 2 ലാംഗ്വേജസ്, കംപ്യൂട്ടര്‍ ഇന്‍ഫര്‍മേഷന്‍ ടെക്നോളജി.
മാര്‍ച്ച്13	കംപ്യൂട്ടര്‍ സയന്‍സ്/ കംപ്യൂട്ടര്‍ ആപ്ലിക്കേഷന്‍സ്, ഇലക്ട്രോണിക്സ്, ഹിസ്റ്ററി, ഇസ്ലാമിക് ഹിസ്റ്ററി ആന്‍ഡ് കള്‍ച്ചര്‍.
മാര്‍ച്ച്15	മാത്തമാറ്റിക്സ്, സോഷ്യോളജി, ഇംഗ്ലീഷ് ലിറ്ററേച്ചര്‍.
മാര്‍ച്ച്17	ഫിസിക്സ്, പാര്‍ട്ട്-3 ലാംഗ്വേജസ്, സോഷ്യല്‍ വര്‍ക്ക്, മ്യൂസിക്.
മാര്‍ച്ച്18	ബിസിനസ് സ്റ്റഡീസ്
മാര്‍ച്ച്19	ജിയോളജി, സംസ്കൃത സാഹിത്യം, ഇലക്ട്രോണിക് സര്‍വീസ് ടെക്നോളജി.
മാര്‍ച്ച്20	പാര്‍ട്ട് 1 ഇംഗ്ലീഷ്.
മാര്‍ച്ച്22	സ്റ്റാറ്റിസ്റ്റിക്സ്, ഗാന്ധിയന്‍ സ്റ്റഡീസ്.

പ്ലസ് വണ്‍ പരീക്ഷ ടൈം ടേബിള്‍

മാര്‍ച്ച് 3	പൊളിറ്റിക്കല്‍ സയന്‍സ്
മാര്‍ച്ച് 4	കെമിസ്ട്രി, കമ്യൂണിക്കേറ്റീവ് ഇംഗ്ലീഷ്, സംസ്കൃതം ശാസ്ത്ര
മാര്‍ച്ച് 5	അക്കൗണ്ടന്‍സ്, ജിയോഗ്രാഫി, ഫിലോസഫി, അന്ത്രോപ്പോളജി
മാര്‍ച്ച് 6	ഫിസിക്സ്, പാര്‍ട്ട്-3 ലാംഗ്വേജസ്, സോഷ്യല്‍വര്‍ക്ക്, മ്യൂസിക്
മാര്‍ച്ച്10	മാത്തമാറ്റിക്സ്, സോഷ്യോളജി, ഇംഗ്ലീഷ് ലിറ്ററേച്ചര്‍
മാര്‍ച്ച്12	കംപ്യൂട്ടര്‍ സയന്‍സ്/കംപ്യൂട്ടര്‍ ആപ്ലിക്കേഷന്‍, ഇലക്ട്രോണിക്സ്, ഹിസ്റ്ററി, ഇസ്ലാമിക് ഹിസ്റ്ററി ആന്‍ഡ് കള്‍ച്ചര്‍
മാര്‍ച്ച്13	പാര്‍ട്ട് 2 ലാംഗ്വേജസ്, കംപ്യൂട്ടര്‍ ഇന്‍ഫര്‍മേഷന്‍ ടെക്നോളജി
മാര്‍ച്ച്15	ബിസിനസ് സ്റ്റഡീസ്, സൈക്കോളജി, ഹോംസയന്‍സ്
മാര്‍ച്ച്17	ഇക്കണോമിക്സ്
മാര്‍ച്ച്18	ബയോളജി, ജേര്‍ണലിസം
മാര്‍ച്ച്19	സ്റ്റാറ്റിസ്റ്റിക്സ്, ഗാന്ധിയന്‍ സ്റ്റഡീസ്
മാര്‍ച്ച്20	ജിയോളജി, സംസ്കൃതം സാഹിത്യ, ഇലക്ട്രോണിക് സര്‍വീസ് ടെക്നോളജി
മാര്‍ച്ച്22	പാര്‍ട്ട് 1 ഇംഗ്ലീഷ്.

രണ്ടാംവര്‍ഷ പരീക്ഷ, രണ്ട് സ്കീമുകളിലായാണ് നടത്തുക. 2008-2009 അധ്യയനവര്‍ഷം മുതല്‍ ഒന്നാംവര്‍ഷ പ്രവേശനം ലഭിച്ചവര്‍ സ്കീം-1ലും 2005-2006 അധ്യയനവര്‍ഷം മുതല്‍ ഒന്നാംവര്‍ഷ പ്രവേശനം ലഭിച്ചിട്ടുള്ളവര്‍ സ്കീം-2ലും പരീക്ഷ എഴുതണം. 

രണ്ടാംവര്‍ഷ പരീക്ഷയ്ക്ക് അപേക്ഷിക്കാന്‍ പിഴ കൂടാതെ ഫീസടയ്ക്കുന്നതിനുള്ള അവസാന തീയതി നവംബര്‍ 30നാണ്. ഒന്നാംവര്‍ഷ പരീക്ഷയ്ക്ക് അപേക്ഷിക്കുന്നതിന് പിഴകൂടാതെ ഫീസടയ്ക്കുന്നതിനുള്ള അവസാന തീയതി ഡിസംബര്‍ അഞ്ച്. രണ്ടാംവര്‍ഷ റഗുലര്‍ വിദ്യാര്‍ഥികളുടെ പരീക്ഷാഫീസ് 200 രൂപ. മൈഗ്രേഷന്‍ സര്‍ട്ടിഫിക്കറ്റ് ഫീസുകള്‍പ്പെടെ സര്‍ട്ടിഫിക്കറ്റ് ഫീസിനത്തില്‍ 70 രൂപയും അടയ്ക്കണം. കംപാര്‍ട്മെന്റല്‍ വിദ്യാര്‍ഥികള്‍ക്ക് ഒരുവിഷയത്തിന് ഒടുക്കേണ്ട ഫീസ് 50 രൂപയാണ്. ഇവരും സര്‍ട്ടിഫിക്കറ്റ് ഫീസായി 40 രൂപ അടയ്ക്കണം. 2013 മാര്‍ച്ചില്‍ മൈഗ്രേഷന്‍ സര്‍ട്ടിഫിക്കറ്റ് ഫീസ് അടച്ചിട്ടില്ലാത്ത കപാര്‍ട്മെന്റല്‍ വിദ്യാര്‍ഥികള്‍ മൈഗ്രേഷന്‍ ഫീസായ 30 രൂപ കൂടി സര്‍ട്ടിഫിക്കറ്റ് ഫീസിനോടൊപ്പം അടയ്ക്കണം. ഒന്നാംവര്‍ഷ വിദ്യാര്‍ഥികളുടെ പരീക്ഷാഫീസ് 200 രൂപയും സര്‍ട്ടിഫിക്കറ്റ് ഫീസ് 40 രൂപയുമാണ്. അപേക്ഷാഫോമുകള്‍ ഹയര്‍ സെക്കന്‍ഡറി പോര്‍ട്ടലിലും എല്ലാ ഹയര്‍സെക്കന്‍ഡറി സ്കൂളുകളിലും ലഭ്യമാണ്.

ഓപ്പണ്‍ സ്കൂള്‍ വിദ്യാര്‍ഥികള്‍ അവര്‍ക്കനുവദിച്ച പരീക്ഷാകേന്ദ്രങ്ങളിലും കംപാര്‍ട്മെന്റ് വിദ്യാര്‍ഥികള്‍ അവര്‍ മുന്‍പ് പരീക്ഷയെഴുതിയ പരീക്ഷാകേന്ദ്രങ്ങളിലും അപേക്ഷ നല്‍കണം. അപേക്ഷകള്‍ ഡയറക്ടറേറ്റില്‍ നേരിട്ട് സ്വീകരിക്കില്ല. 

കൂടുതല്‍ വിവരങ്ങള്‍ക്ക് ഹയര്‍ സെക്കന്‍ഡറി വെബസൈറ്റ് സന്ദര്‍ശിക്കുക

www.dhsekerala.gov.in

സിബിഎസ്ഇ (CBSE) കുട്ടികള്‍ ശ്രദ്ധിക്കൂ...

സിബിഎസ്ഇ സിലബസില്‍ പഠിക്കുന്ന കുട്ടികള്‍ക്കാണ് ഈ വാര്‍ത്ത. 2014 മാര്‍ച്ചില്‍ നടക്കാന്‍ പോകുന്ന പരീക്ഷയില്‍ ഓപ്പണ്‍ ടെക്്‌സ്റ്റ് ബേസ്ഡ് അസസ്‌മെന്റ് (OTBA) വരുന്നു എന്നതാണ് വാര്‍ത്ത. ഒന്‍പത്, പതിനൊന്ന് ക്ലാസുകളിലെ കുട്ടികള്‍ക്കാണ് സമ്മേറ്റീവ് അസസ്‌മെന്റ് II ന്റെ ഭാഗമായി ഈ പുതിയ പരീക്ഷ.

 ഇംഗ്ലീഷ്, ഹിന്ദി, സയന്‍സ്, സോഷ്യല്‍ സയന്‍സ്, മാത്‌സ് എന്നീ വിഷയങ്ങളിലാണ് ചോദ്യങ്ങള്‍ വരിക. ഓരോ വിഷയത്തിലും 5 മാര്‍ക്കിന്റെ രണ്ട് ചോദ്യങ്ങള്‍. അങ്ങനെ ആകെ 10 മാര്‍ക്ക്. ഇതിനുള്ള ഓപ്പണ്‍ ടെക്‌സ്റ്റ് മെറ്റീരിയല്‍ സിബിഎസ്ഇ വെബ് സൈറ്റിലുണ്ട്. ഓരോ വിഷയത്തിലും ഈരണ്ട് തീം വച്ചാണ് നല്‍കിയിരിക്കുന്നത്. ഒപ്പം മാതൃകാ ചോദ്യങ്ങളുമുണ്ട്. ഇതിനെ അടിസ്ഥാനപ്പെടുത്തിയായിരിക്കും പരീക്ഷയിലെ ചോദ്യങ്ങള്‍.
ചോദ്യങ്ങളെല്ലാം ചിന്തിച്ച് സ്വയം കണ്ടെത്തേണ്ട ഉയര്‍ന്ന നിലയിലുള്ളവയായിരിക്കും.

ഫിലിനും ചില ദുരന്തനിവാരണപാഠങ്ങളും...

പ്രൊഫ. എസ്. ശിവദാസ്‌

ഒരു രാജ്യത്തിന്റെ അഭിമാനം വാനോളം ഉയരുന്ന സന്ദര്‍ഭങ്ങള്‍ വിരളമായേ ഉണ്ടാകാറുളളൂ. ഇന്ത്യയുടെ ചന്ദ്രയാന്‍ വിജയം അത്തരമൊന്നായിരുന്നു. പിന്നീട് ഇന്ത്യക്കാര്‍ക്ക് അങ്ങനെ ലോകത്തിനു മുമ്പില്‍ തല ഉയര്‍ത്തിനില്ക്കാനുളള ഒരു അവസരം കൂടി ഇതാ ഇപ്പോള്‍ ‘ഫിലിന്‍’ കൊടുങ്കാറ്റ് സമ്മാനിച്ചിരിക്കുന്നു.

ഇന്ത്യക്കാര്‍ നമ്മുടെ കാലാവസ്ഥാശാസ്ത്രജ്ഞന്മാരെ കളിയാക്കുന്നതില്‍ ആനന്ദം കാണുന്നവരാണ്. ‘നാളെ രാവിലെ വരെ മഴ പെയ്യാനോ പെയ്യാതിരിക്കാനോ സാധ്യതയുണ്ട’് ഈ മട്ടിലാണ്അവരുടെ പ്രവചനം എന്നു പറഞ്ഞാണ് കളിയാക്കല്‍. എന്നാല്‍ ഇനി ആ തമാശപറച്ചില്‍ നമുക്കു നിര്‍ത്താം. പകരം ലോകത്തെ ശാസ്ത്രസാങ്കേതിക വിദഗ്ധരുടെ മുന്നില്‍ തല ഉയര്‍ത്തി നിന്നു പറയാം; ഞങ്ങള്‍ ആണ് നമ്പര്‍വണ്‍.
1999 ല്‍ ഒഡീഷാ തീരത്ത് ഒരു ചുഴലിക്കാറ്റടിച്ചപ്പോള്‍ മരിച്ചത് പതിനയ്യായിരത്തിലേറെപ്പേരായിരുന്നു. 2013 ഒക്‌ടോബറില്‍ ആഞ്ഞടിച്ച ചുഴലിക്കാറ്റില്‍ ലക്ഷങ്ങള്‍ മരിച്ചേനെ. അതുണ്ടായില്ല. അതിനു കാരണം ഇന്ത്യയില്‍ അരങ്ങേറിയ ശാസ്ത്രീയമായ, അതിവിപുലമായ രക്ഷാപ്രവര്‍ത്തനമായിരുന്നു. കേന്ദ്രസര്‍ക്കാരും സംസ്ഥാനസര്‍ക്കാരും സഹകരിച്ചു പ്രവര്‍ത്തിച്ചു. ഇന്ത്യയുടെ കാലാവസ്ഥാ ശാസ്ത്രജ്ഞന്‍മാര്‍ കൊടുങ്കാറ്റിന്റെ കൃത്യമായ വേഗതയും ഗതിയും കണക്കുകൂട്ടി പ്രവചിച്ചു. വിദേശത്തെ ശാസ്ത്രജ്ഞന്‍മാരുടെ കണക്കുകൂട്ടലുകളെ നാം അവഗണിച്ചു. കാറ്റിന്റെ തീവ്രത ഇന്ത്യന്‍ ശാസ്ത്രജ്ഞന്‍മാര്‍ കുറച്ചു കാണുന്നു എന്ന ആരോപണമുണ്ടായി. എന്നിട്ടും, കടുത്ത സമ്മര്‍ദ്ദങ്ങളെ അതിജീവിച്ച്, ശാസ്ത്ര സാങ്കേതിക വിദ്യകളുടെ കൃത്യമായ അടിസ്ഥാനത്തില്‍, ഇന്ത്യന്‍ ശാസ്ത്രജ്ഞന്‍മാര്‍ കൃത്യമായ പ്രവചനം നടത്തുന്നതില്‍ വിജയിക്കുകയായിരുന്നു.

ഇന്ത്യക്ക് എന്നും അഭിമാനിക്കാം. ഏറ്റവും സങ്കീര്‍ണ്ണമായ, ഏറ്റവും ആധുനികമായ, ഏറ്റവുമധികം വെല്ലുവിളികള്‍ നിറഞ്ഞ, കാലാവസ്ഥാപ്രവചനരംഗത്ത് ലോകത്തെ ഒന്നാംകിട സംവിധാനം ഈ രാജ്യത്തുണ്ട് എന്നതില്‍ ഇനി ലോകരാഷ്ട്രങ്ങള്‍ക്കു സംശയമുണ്ടാവുകയില്ല.
ഇത്തരം ദുരന്തങ്ങളെ ഒഴിവാക്കാനാവുകയില്ല. ശാസ്ത്രീയമായ മുന്‍കരുതലുകളിലൂടെ മരണസംഖ്യ പരിമിതപ്പെടുത്താനേ കഴിയൂ. പിന്നീടുവേണ്ടത് നാശനഷ്ടങ്ങള്‍ക്കു പരിഹാരമുണ്ടാക്കുകയെന്നതാണ്. അതിലും ഇന്ത്യ മാതൃകാപരമായ പ്രവര്‍ത്തനം കാഴ്ചവയ്ക്കും എന്ന് നമുക്ക് ആശിക്കാം.

ഈ സംഭവം നമ്മെ പഠിപ്പിക്കുന്നത് എന്താണ്? അസാധ്യമായി ഒന്നുമില്ല. (Nothing is impossible). അത് പാഠം ഒന്ന്.
ഒരു വലിയ പാഠവും കൂടി നാം പഠിക്കണം. ശാസ്ത്രസാങ്കേതികരംഗങ്ങളില്‍ മുതല്‍മുടക്കുന്നത് പ്രയോജനപ്രദമാണ് എന്ന പാഠം. എന്തിനാണിത്ര പണം ചെലവാക്കി ഉപഗ്രഹസംവിധാനങ്ങള്‍? കമ്പ്യൂട്ടര്‍ ശൃംഖലകള്‍ പ്രവര്‍ത്തിപ്പിക്കുന്നത്? റഡാര്‍ കണ്ണുകളെ ഇരുപത്തിനാലു മണിക്കൂറും തുറന്നുവച്ചുകൊണ്ടിരിക്കുന്നത്? വലിയ തോതില്‍ പണം ശുദ്ധശാസ്ത്രഗവേഷണങ്ങള്‍ക്കായി ചെലവഴിക്കുന്നത്! എപ്പോഴും സാധാരണക്കാര്‍ ചോദിക്കുന്ന ആ ചോദ്യങ്ങള്‍ക്കെല്ലാമുളള മറുപടി ഇതാ. ലക്ഷക്കണക്കിനു മനുഷ്യരുടെ രക്ഷയ്ക്കും സംതൃപ്തിയോടെയുളള ജീവിതത്തിനും ആ ചെലവ് കൂടിയേ കഴിയൂ. ശാസ്ത്രസാങ്കേതികവിദ്യകളെ ഒഴിവാക്കി ഒരു രാജ്യത്തിനും ഇനി നിലനില്‍പ്പില്ല.
അപ്പോള്‍ പാഠം മൂന്നും വ്യക്തം. ശാസ്ത്രസാങ്കേതികരംഗങ്ങളില്‍ പ്രവര്‍ത്തിക്കാന്‍ കഴിവുളള യുവാക്കള്‍ ഇന്ത്യയില്‍ വേണം.
അതിനോ കുട്ടികളേ നിങ്ങള്‍ നന്നായി പഠിക്കുവിന്‍, ശാസ്ത്രം!

മാത്‌സ് ടാലന്റ് സെര്‍ച്ച് പരീക്ഷയ്ക്ക് രജിസ്റ്റര്‍ ചെയ്യാം

മാത്‌സ് ടാലന്റ് സെര്‍ച്ച് പരീക്ഷയ്ക്ക് രജിസ്റ്റര്‍ ചെയ്യാന്‍ സമയമായി. കേരള ഗണിതശാസ്ത്ര പരിഷത്ത് നടത്തുന്ന ഈ പരീക്ഷയിലേക്ക് ഒന്ന് മുതല്‍ പന്ത്രണ്ട് വരെ ക്ലാസുകളിലെ കുട്ടികള്‍ക്ക് ഇപ്പോള്‍ രജിസ്റ്റര്‍ ചെയ്യാം.
2013 ഡിസംബര്‍ 6ന് പ്രാഥമിക പരീക്ഷ നടക്കും. തുടര്‍ന്ന് 2014 ജനുവരി 18ന് രണ്ടാം ഘട്ട പരീക്ഷയും നടക്കും. ഒന്നാം റാങ്കിന് സ്വര്‍ണമെഡല്‍ നല്‍കും. മറ്റ് റാങ്കുകാര്‍ക്ക് ക്യാഷ് അവാര്‍ഡും സര്‍ട്ടിഫിക്കറ്റുകളുമുണ്ടാവും.

രജിസ്‌ട്രേഷന്‍, പരീക്ഷ തുടങ്ങി കൂടുതല്‍ വിവരങ്ങള്‍ക്ക് 15 രൂപയുടെ സ്റ്റാമ്പൊട്ടിച്ച കവര്‍ സഹിതം കേരള ഗണിതശാസ്ത്ര പരിഷത്ത്, മണര്‍കാട് പി. ഒ., കോട്ടയം-19 എന്ന വിലാസത്തില്‍ അപേക്ഷിക്കുക.

നാഷണല്‍ ടാലന്റ് സേര്‍ച്ച് പരീക്ഷയ്ക്ക് ഓണ്‍ലൈനായി അപേക്ഷിക്കാം

നാഷണല്‍ ടാലന്റ് സേര്‍ച്ച് പരീക്ഷയെഴുതാന്‍ താല്പര്യമുള്ള പത്താം ക്ലാസുകാര്‍ക്ക് സെപ്റ്റംബര്‍ 6 മുതല്‍ 28 വരെ ഓണ്‍ലൈനായി അപേക്ഷിക്കാം. ഇതു സംബന്ധിച്ച എസ്‌സിഇആര്‍ടി സര്‍ക്കുലര്‍ വായിക്കൂ...

ഓണ്‍ലൈന്‍ ആപ്ലിക്കേഷന്‍ സമര്‍പ്പിക്കാന്‍ താഴെക്കാണുന്ന ലിങ്ക് ക്ലിക്ക് ചെയ്യൂ...

Online Application NTSE 2013- For Class X

2012ലെ സംസ്ഥാന അധ്യാപക അവാര്‍ഡുകള്‍ പ്രഖ്യാപിച്ചു

സംസ്ഥാന അധ്യാപക അവാര്‍ഡുകള്‍ പ്രഖ്യാപിച്ചു. പ്രൈമറി വിഭാഗത്തില്‍ 14 ഉം സെക്കന്‍ഡറി വിഭാഗത്തില്‍ 13 ഉം ഹയര്‍സെക്കന്‍ഡറിയില്‍ ഒമ്പതും വൊക്കേഷണല്‍ ഹയര്‍സെക്കന്‍ഡറിയില്‍ അഞ്ചും പേരാണ് അവാര്‍ഡിന് അര്‍ഹരായി. കാഷ് അവാര്‍ഡും പ്രശസ്തിപത്രവും ശില്‍പ്പവും അടങ്ങുന്നതാണ് അവാര്‍ഡ്.
അവാര്‍ഡ് ജേതാക്കള്‍ :
സെക്കണ്ടറി വിഭാഗം.
തിരുവനന്തപുരം: കെ. ആര്‍. സുരേഷ്‌കുമാര്‍, എച്ച്.എസ്.എ, വെങ്ങാനൂര്‍ എച്ച്. എസ്. എസ് ഫോര്‍ ഗേള്‍സ്. കൊല്ലം: എ. വി. ജോര്‍ജ്, ഹെഡ്മാസ്റ്റര്‍, മാര്‍ത്തോമ ഗേള്‍സ് ഹൈസ്‌കൂള്‍, പുലമണ്‍.
പത്തനംതിട്ട: സൂസന്‍ ഐസക്, എച്ച്. എസ്. എ, തിരുവല്ല പുതുശേരി എം. ജി. ഡി ഹൈസ്‌കൂള്‍.
ആലപ്പുഴ: എസ്. നന്ദകുമാര്‍, ഹെഡ്മാസ്റ്റര്‍, തിരുമലഭാഗം ടി. ഡി. എച്ച്. എസ്. എസ്, തുറവൂര്‍, ചേര്‍ത്തല.
കോട്ടയം: ജോസിറ്റ് മോന്‍ ജോണ്‍, പൂഞ്ഞാര്‍ എസ് എം വി എച്ച് എസ് എസ്‌.
ഇടുക്കി: മാത്യു പി. പെരുമ്പനാനി, ഹെഡ്മാസ്റ്റര്‍, സെന്റ് സെബാസ്റ്റ്യന്‍സ് എച്ച്. എസ്. എസ്, വഴിതല, തൊടുപുഴ.

നിയാസ് ചോല,
എച്ച്. എസ്. എ, മര്‍ക്കസ്
ഹയര്‍സെക്കന്‍ഡറി സ്‌കൂള്‍
കാരന്തൂര്‍.

എറണാകുളം: വി. എ. ജോയ്, എച്ച്. എസ്. എ, സെന്റ് അഗസ്റ്റ്യന്‍സ് ഹൈസ്‌കൂള്‍, കലൂര്‍.
തൃശൂര്‍: കെ. മായ, എച്ച്. എസ്. എ, എസ്. എന്‍. എച്ച്. എസ്. എസ്, ഇരിങ്ങാലക്കുട.
മലപ്പുറം: കെ. ടി. മനോജ്, സി. ബി. എച്ച്. എസ്. എസ്, വള്ളിക്കുന്ന്.
കോഴിക്കോട്: നിയാസ് ചോല, എച്ച്. എസ്. എ, മര്‍ക്കസ് ഹയര്‍സെക്കന്‍ഡറി സ്‌കൂള്‍ കാരന്തൂര്‍.

കെ. വി. സുജാത,
ഫിസിക്കല്‍ എജ്യുക്കേഷന്‍,
 ജി. എച്ച്. എസ്. എസ്,
 മീനങ്ങാടി.

വയനാട്: കെ. വി. സുജാത, ഫിസിക്കല്‍ എജ്യുക്കേഷന്‍, ജി. എച്ച്. എസ്. എസ്, മീനങ്ങാടി.
കണ്ണൂര്‍: കെ. സി. രാജന്‍, എച്ച്. എസ്. എ, ജി. വി. എച്ച്. എസ് കണ്ണൂര്‍.
കാസര്‍കോട്: സി. എച്ച്. ശങ്കര കാമത്ത്, പ്രിന്‍സിപ്പല്‍, ജി. വി. എച്ച്. എസ്. എസ്. ഹേരൂര്‍, .
പ്രൈമറി വിഭാഗം:
തിരുവനന്തപുരം: ആര്‍. ഗണപതിപോറ്റി, ഹെഡ്മാസ്റ്റര്‍, ഗവ. എല്‍. പി. എസ് അരുവിക്കര.
കൊല്ലം: ജോര്‍ജ് തോമസ്, ഹെഡ്മാസ്റ്റര്‍, ജി. ഡബ്‌ള്യു. എല്‍. പി. എസ്, തേവലപുരം.
പത്തനംതിട്ട: പി. ഉഷാകുമാരി, ഹെഡ്മിസ്ട്രസ്, ഗവ. എല്‍. പി. എസ്, അയിരൂര്‍.
ആലപ്പുഴ: ജോളിതോമസ്, ഹെഡ്മിസ്ട്രസ്, സി. എം. എല്‍. പി. എസ്, മുഹമ്മ.
കോട്ടയം: എസ്. എ. രാജീവ്, ഹെഡ്മാസ്റ്റര്‍, ഗവ. യു. പി. എസ് ചീരഞ്ചിറ.
ഇടുക്കി: എ. എം. നസീമ, ഹെഡ്മിസ്ട്രസ്, ഗവ. െ്രെടബല്‍ യു. പി. എസ്, കുമളി.
എറണാകുളം: എന്‍. ആര്‍. ശ്രീനിവാസന്‍, ഹെഡ്മാസ്റ്റര്‍, ഗവ. എല്‍. പി. എസ്, കക്കാട്ടുപാറ, കിങ്ങിണിമറ്റം. തൃശൂര്‍: സി. ടി. ജയിംസ്, ഡ്രോയിങ് ടീച്ചര്‍, സെന്റ്‌തോമസ് എച്ച്. എസ്. എസ്, തോപ്പ്.
പാലക്കാട്: എ. ഹാറൂണ്‍, ഹെഡ്മാസ്റ്റര്‍, ജി. എല്‍. പി. എസ് പല്ലാവൂര്‍.
മലപ്പുറം: സി. അബ്ദുറഹിമാന്‍, ഹെഡ്മാസ്റ്റര്‍, എ. എം. എല്‍. പി. സ്‌കൂള്‍ വാക്കാലൂര്‍, കാവനൂര്‍.

കെ. പി. രാമചന്ദ്രന്‍,
 ഹെഡ്മാസ്റ്റര്‍,
വിളയാറ്റൂര്‍ എളമ്പിലാട്
എം. യു. പി സ്‌കൂള്‍, 

കോഴിക്കോട്: കെ. പി. രാമചന്ദ്രന്‍, ഹെഡ്മാസ്റ്റര്‍, വിളയാറ്റൂര്‍ എളമ്പിലാട് എം. യു. പി സ്‌കൂള്‍,

റോസമ്മ ജോര്‍ജ്,
ഹെഡ്മിസ്ട്രസ്,
 ജി. യു. പി. എസ്, മാതമംഗലം,
 നായ്ക്കട്ടി.

മേപ്പയ്യൂര്‍. വയനാട്: റോസമ്മ ജോര്‍ജ്, ഹെഡ്മിസ്ട്രസ്, ജി. യു. പി. എസ്, മാതമംഗലം, നായ്ക്കട്ടി.
കണ്ണൂര്‍: വി. രാജേഷ്, എല്‍. പി. എസ്. എ, കാനാട് എല്‍. പി. സ്‌കൂള്‍.
കാസര്‍കോട്: എം. രമഭായി, ഹെഡ്മിസ്ട്രസ്, ജി. യു.പി.എസ് മൂടമ്പയില്‍.
ഹയര്‍സെക്കണ്ടറി വിഭാഗം.
തിരുവനന്തപുരം: ഡോ. കെ. വത്സലാമ്മ, പ്രിന്‍സിപ്പല്‍, ഗവ. എച്ച്. എസ്. എസ്, കൊട്ടാരക്കര, കൊല്ലം. കസ്മീര്‍ തോമസ്, എച്ച്. എസ്. എസ്. ടി, വിമലഹൃദയ എച്ച്. എസ്. എസ്.ഫോര്‍ ഗേള്‍സ്, കൊല്ലം. സൂര്യനാരായണ കുഞ്ഞുരായര്‍, എച്ച്. എസ്. എസ്. ടി, ഗവ. മോഡല്‍, ഗേള്‍സ് എച്ച്. എസ്. എസ് പട്ടം. എറണാകുളം: ഡോ. കെ. വി. വര്‍ഗീസ്, പ്രിന്‍സിപ്പല്‍, സെന്റ് ജോസഫ്‌സ് എച്ച്. എസ്. എസ്, പെരുവന്താനം, ഇടുക്കി. കെ. ജെ. ജോസ്, എച്ച്. എസ്. എസ്. ടി, ഗവ. മോഡല്‍ എച്ച്. എസ്. എസ്, നടവരമ്പ, തൃശൂര്‍. ഫാ. തോമസ് ജോസ്, പ്രിന്‍സിപ്പല്‍, സെന്റ് ജെറോംസ് എച്ച്. എസ്. എസ്, വെള്ളയാകുടി, ഇടുക്കി. കോഴിക്കോട്: പി. രതീഷ്‌കുമാര്‍, എച്ച്. എസ്. എസ്. ടി, ചട്ടഞ്ചാല്‍ എച്ച്. എസ്. എസ്, കാസര്‍കോട്.

 ഡോ. ഇ. വി അബ്ദുല്ല,
എച്ച്. എസ്. എസ്. ടി,
പേരാമ്പ്ര എച്ച്. എസ്. എസ്,
 കോഴിക്കോട്

 ഡോ. ഇ. വി അബ്ദുല്ല, എച്ച്. എസ്. എസ്. ടി, പേരാമ്പ്ര എച്ച്. എസ്. എസ്, കോഴിക്കോട്. ടി. എം. രാജേന്ദ്രന്‍, എച്ച്. എസ്. എസ്. ടി, ഗവ. എച്ച്. എസ്. എസ് ശ്രീകണ്ഠാപുരം, കണ്ണൂര്‍.
വൊക്കേഷണല്‍ ഹയര്‍സെക്കന്‍ഡറി മേഖല തിരിച്ച്, കൊല്ലം: പി. എ സജിമോന്‍, എസ്. വി. എം. മോഡല്‍ വി. എച്ച്. എസ്. എസ് വെണ്ടാര്‍, കൊല്ലം. ചെങ്ങന്നൂര്‍: കെ. സി. ഹരികുമാര്‍, കണിച്ചുകുളങ്ങര വി. എച്ച്. എസ്. എസ്, ആലപ്പുഴ. എറണാകുളം: ടി. വി. മുരളീധരന്‍, എന്‍. ഐ. വി. എച്ച്. എസ്. എസ്, മാരമ്പള്ളി, എറണാകുളം. കുറ്റിപ്പുറം: കെ. അബ്ദുല്‍ റഷീദ്, പി. എം. എസ്. എ. വി. എച്ച്. എസ്. എസ്, ചാപ്പനങ്ങാടി, മലപ്പുറം. പയ്യന്നൂര്‍: ഒ. എം. അജിത്, കൊടക്കാട് കെ. എം. വി. എച്ച്. എസ്. എസ്, കണ്ണൂര്‍.

ആസാദ് സ്‌കോളര്‍ഷിപ്പിന് അപേക്ഷിക്കാം

ന്യൂനപക്ഷവിഭാഗങ്ങളിലെ പെണ്‍കുട്ടികള്‍ക്കായി മൗലാനാ ആസാദ് ഫൗണ്ടേഷന്‍ ഏര്‍പ്പെടുത്തിയിരിക്കുന്ന സ്‌കോളര്‍ഷിപ്പിന് അപേക്ഷിക്കാന്‍ സമയമായി. അവസാന തീയതി സെപ്റ്റംബര്‍ 30.
കുറഞ്ഞത് 55% മാര്‍ക്കോടെ ഈ വര്‍ഷം പത്താം ക്ലാസ് വിജയിച്ച് പ്ലസ് വണ്ണിന് പ്രവേശനം നേടിയവര്‍ക്ക് അപേക്ഷിക്കാം. കുടുംബത്തിന്റെ വാര്‍ഷിക വരുമാനം ഒരു ലക്ഷം രൂപയില്‍ കവിയാന്‍ പാടില്ല. മറ്റു സ്‌കോളര്‍ഷിപ്പുകള്‍ കിട്ടിക്കൊണ്ടിരിക്കുന്നവര്‍ക്ക് ഈ സ്‌കോളര്‍ഷിപ്പിന് അര്‍ഹതയുണ്ടായിരിക്കില്ല.
12000 രൂപയാണ് സ്‌കോളര്‍ഷിപ്പ് തുക. 6000 രൂപവീതം രണ്ടു ഗഡുക്കളായിട്ടാണ് ഈ തുക ലഭിക്കുക. ആദ്യ ഗഡു സളകോളര്‍ഷിപ്പ് അനുവദിക്കുന്ന ഘട്ടത്തിലും രണ്ടാം ഗഡു പ്ലസ് വണ്‍ പരീക്ഷ വിജയിച്ച ശേഷവും ലഭിക്കും.
വിവരങ്ങള്‍ക്ക് വെബ്‌സൈറ്റ് കാണുക: http:/maef.nic.in

സൗജന്യ എന്‍ട്രന്‍സ്‌ പരിശീലനം

അറിവും പഠനമികവുമൊക്കെയുണ്ടെങ്കിലും പണത്തിന്റെയോ മറ്റ് സൗകര്യങ്ങളുടെയോ കുറവുമൂലം എന്‍ട്രന്‍സ് പരീക്ഷകളില്‍ വിജയിക്കാനാവാതെ പോകുന്ന സാധാരണ ക്കാരായ കുട്ടികള്‍ക്ക് ഇതാ ഒരു സന്തോഷവാര്‍ത്ത. സംസ്ഥാന സംസ്ഥാന സര്‍ക്കാര്‍ നിങ്ങള്‍ക്കായി ആവിഷ്‌ക്കരിച്ചിരിക്കുന്ന പ്രത്യേക എന്‍ട്രന്‍സ് പരിശീലന പദ്ധതിയായ പബ്ലിക് എന്‍ട്രന്‍സ് എക്‌സാമിനേഷന്‍ കോച്ചിംഗ് സ്‌കീം അഥവാ PEECS ന് തുടക്കമായി. 
ഇൗ അധ്യയനവര്‍ഷം മുതല്‍ സര്‍ക്കാര്‍ എയ്ഡഡ് സ്‌കൂളുകളില്‍ പഠിക്കുന്ന എല്ലാ ഹയര്‍ സെക്കന്‍ഡറി വിദ്യാര്‍ത്ഥികള്‍ക്കും ഇൗ പദ്ധതിയുടെ പ്രയോജനം നേടാം. ആദ്യഘട്ടം കോച്ചിംഗ് ക്ലാസുകള്‍ 2013 ജൂലൈ 29ന് ആരംഭിച്ചു. പ്ലസ് വണ്‍ വിദ്യാര്‍ത്ഥികള്‍ക്കുള്ള  ക്ലാസുകള്‍ ആഗസ്റ്റില്‍ ആരംഭിക്കും. 
ക്ലാസുകളും ടെസ്റ്റുകളും
ഇൗ പദ്ധതിക്ക് രണ്ടു ഭാഗങ്ങളുണ്ട്. സിലബസ് പ്രകാരമുള്ള ക്ലാസുകളും ഓണ്‍ലൈന്‍ ടെസ്റ്റുകളും. ഫിസിക്‌സ്, കെമിസ്ട്രി, ബയോളജി, മാത്‌സ് വിഷയങ്ങള്‍ക്ക് എന്‍ട്രന്‍സ് സിലബസ് അനുസരിച്ച് ഓരോ മണിക്കൂര്‍ ദൈര്‍ഘ്യമുള്ള 60 ക്ലാസുകളുണ്ടാവും. ഐറ്റി അറ്റ് സ്‌കൂളിന്റെ വിക്‌ടേഴ്‌സ് ചാനല്‍ വഴി ഇൗ ക്ലാസുകള്‍ സംപ്രേക്ഷണം ചെയ്യുവാനാണ് പരിപാടി.  
അതാത് വിഷയവുമായി ബന്ധപ്പെട്ട അധ്യാപകരുടെ സാന്നിധ്യത്തില്‍ സ്‌കൂള്‍ സമയത്ത് സംപ്രേക്ഷണം നടത്തുന്നതുകൊണ്ട് സംശയനിവാരണം എളുപ്പമാവും. ക്ലാസുകളുടെ പുനഃസംപ്രേക്ഷണവും ഉണ്ടാവും. ഇതിനുള്ള കോഴ്‌സ് മെറ്റീരിയല്‍ തയാറാക്കുന്നതിനായി മികച്ച അധ്യാപകരുടെ സേവനം ഉപയോഗപ്പെടുത്തും.
തിങ്കള്‍ മുതല്‍ വെള്ളിവരെ രാവിലെ 9.30 മുതല്‍ 10.30 വരെയാണ് ക്ലാസുകള്‍ സംപ്രേക്ഷണം ചെയ്യുവാന്‍ തീരുമാനിച്ചിരിക്കുന്നത്. തിങ്കളാഴ്ച മാത്‌സ്, ചൊവ്വാഴ്ച ഫിസിക്‌സ്, ബുധനാഴ്ച കെമിസ്ട്രി, വ്യാഴാഴ്ച ബോട്ടണി, വെള്ളി സുവോളജി എന്നീ ക്രമത്തിലാണ് എന്‍ട്രന്‍സ് സംപ്രേക്ഷണം നടത്തുക. ഇതോടൊപ്പം പൊതു മാര്‍ഗനിര്‍ദ്ദേശങ്ങള്‍, വിവിധ കോഴ്‌സുകളുടെ ഉള്ളടക്കം, ജോലി സാധ്യത തുടങ്ങിയ വിശദീകരണങ്ങളുമുണ്ടാവും. സ്‌കൂള്‍ സമയത്തായതിനാല്‍ കുട്ടികള്‍ക്ക് അധ്യാപക രോടൊപ്പമിരുന്ന് ക്ലാസുകള്‍ കേള്‍ക്കാം. ടിവിയില്‍ വരുന്ന അതേ സമയം തന്നെ ഇത് വെബ്‌സൈറ്റിലും ലഭ്യമാകും.  http://victers.itschool.gov.in എന്ന സൈറ്റില്‍ ക്ലാസുകള്‍ ലഭിക്കും.  
ഓണ്‍ലൈന്‍ പ്രാക്ടീസ് ടെസ്റ്റാണ് അടുത്ത ഭാഗം. ഓരോ ടോപ്പിക്കിന്റെയും ക്ലാസുകളുടെ സംപ്രേക്ഷണം കഴിഞ്ഞ് എന്‍ട്രന്‍സ് മാതൃകയില്‍ നടത്തുന്ന ഓണ്‍ലൈന്‍ ടെസ്റ്റില്‍ പങ്കെടുത്ത് കുട്ടികള്‍ക്ക് പരീക്ഷാനുഭവം നേടാം. സ്‌കൂളിലോ ഇന്റര്‍നെറ്റ് സൗകര്യമുണ്ടെങ്കില്‍ വീട്ടിലോ മറ്റെവിടെയെങ്കിലുമോയിരുന്ന് ടെസ്റ്റില്‍ പങ്കെടുക്കാം. സ്‌കോര്‍ അറിയുന്നതിനൊപ്പം ഉത്തര ങ്ങളെപ്പറ്റി വിശദമായി മനസ്സിലാക്കുന്നതിനും സൗകര്യമുണ്ടാവും. ടെസ്റ്റില്‍ പങ്കെടുക്കുന്ന തിനായി www.peecs.kerala.gov.in എന്ന വെബ്‌സൈറ്റില്‍ രജിസ്റ്റര്‍ ചെയ്താല്‍ മതിയാവും.   
കോഴ്‌സിന് എങ്ങനെ രജിസ്റ്റര്‍ ചെയ്യാം
സ്‌കൂള്‍ വഴിയായിരിക്കും പദ്ധതിയില്‍ രജിസ്റ്റര്‍ ചെയ്യേണ്ടത്. പ്രവേശനം തീര്‍ത്തും സൗജന്യമായിരിക്കും. മെഡിക്കലിനോ എന്‍ജിനീയറിംഗിനോ രണ്ടിനും കൂടിയോ രജിസ്റ്റര്‍ ചെയ്യാം. 

അടുത്തവര്‍ഷം പാഠപുസ്‌തകങ്ങള്‍ മാറുന്നു...

ഒന്നുമുതല്‍ പന്ത്രണ്ട് വരെയുള്ള ക്ലാസുകളിലെ പാഠ്യപദ്ധതി പരിഷ്‌ക്കരിക്കുന്നതിനുള്ള സമീപനരേഖ തയാറായി. ഐസിഎസ്ഇ, സിബിഎസ്ഇ പാഠ്യപദ്ധതിയെ അനുകരിച്ചാണ് സ്‌കൂള്‍ പാഠ്യപദ്ധതി പുതുക്കുന്നത്.

2014-2015 വര്‍ഷത്തില്‍ 1, 3, 5, 7, 11 ക്ലാസുകളിലെ പുസ്തകങ്ങളും 2015-2016 വര്‍ഷത്തില്‍ 2, 4, 6, 8, 12 ക്ലാസുകളിലെ പുസ്തകങ്ങളും 2016-2017 വര്‍ഷത്തില്‍ 9, 10 ക്ലാസുകളിലെ പുസ്തകങ്ങളുമാണ് പരിഷ്‌ക്കരിക്കുന്നതിനാണ് സര്‍ക്കാര്‍ തീരുമാനി ച്ചിരിക്കുന്നത്. 

ഒന്ന് രണ്ട് ക്ലാസുകളില്‍ മലയാളം, ഗണിതം, പരിസരപഠനം, ഇംഗ്ലീഷ് എന്നിവയ്ക്കുണ്ടായിരുന്ന ഒറ്റപുസ്തകത്തിന് പകരം ഇനി നാല് പ്രത്യേക പുസ്തകങ്ങളുണ്ടാവും. ഒന്നാംക്ലാസ് മുതല്‍ വേണ്ടവര്‍ക്ക് അറബി, സംസ്‌കൃതം പഠനവും തുടങ്ങാം.  മൂന്ന്, നാല്, അഞ്ച് ക്ലാസുകളില്‍ ഗണിതം, പരിസരപഠനം എന്നീ വിഷയങ്ങള്‍ക്ക് ഉള്ളടക്കം കൂടും. അടിസ്ഥാനശാസ്ത്രം, ചരിത്രം, ഭൂമിശാസ്ത്രം എന്നിവയുടെ തീമും യൂണിറ്റും പുതിയതായി പുറത്തിറക്കിയിരിക്കുന്ന പാഠ്യപദ്ധതി സമീപനരേഖയില്‍ നല്‍കിയിട്ടുണ്ട്. ആറ് മുതല്‍ എട്ട് വരെ ക്ലാസുകളില്‍ സാമൂഹ്യശാസ്ത്രം വേര്‍പിരിഞ്ഞ് ചരിത്രം, പ്രാദേശികഭൂമിശാസ്ത്രം, പൊളിറ്റിക്‌സ് എന്നിങ്ങനെയാവും. അടിസ്ഥാനശാസ്ത്രം വിഭജിച്ച് ഭൗതികശാസ്ത്രവും ജീവശാസ്ത്രവുമായി അവതരിപ്പിക്കും. 

ഐടിയ്ക്ക് പ്രത്യേക പാഠപുസ്തകങ്ങളുണ്ടാവില്ല. എന്നാല്‍ പരീക്ഷയുണ്ടാവും. മറ്റ് വിഷയങ്ങളുടെ പഠനവുമായി ബന്ധപ്പെടുത്തിയാവും ഐറ്റി പഠനം. അസൈന്‍മെന്റ്, പ്രോജക്റ്റ്, സെമിനാര്‍ തുടങ്ങിയവ ബന്ധപ്പെട്ട അധ്യാപകന്റെ താല്പര്യമനുസരിച്ച് മൂല്യനിര്‍ണ്ണയ മാനദണ്ഡങ്ങളിലുള്‍പ്പെടുത്താം.

ചോദ്യപേപ്പറുകളുടെ സ്വഭാവത്തിലുമുണ്ട് മാറ്റങ്ങള്‍. ഓപ്പണ്‍ ബുക്ക്, ഓണ്‍ലൈന്‍ പരീക്ഷ, മള്‍ട്ടിപ്പിള്‍ ചോയ്‌സ് ചോദ്യങ്ങള്‍, സാമൂഹ്യനീതി ലക്ഷ്യമാക്കി മിനിമലൈസേഷന്‍ തുടങ്ങിയവയൊക്കെ ചോദ്യപ്പേപ്പര്‍ തയാറാക്കുമ്പോള്‍ ശ്രദ്ധിക്കും. നിരന്തരമൂല്യനിര്‍ണയം തുടരും. പഠനനിലവാരം അളക്കുന്നതിന് പ്രത്യേക സോഫ്റ്റ്‌വെയര്‍ വികസിപ്പിക്കും. തൊഴില്‍ പരിശീലനം കരിക്കുലത്തിന്റെ ഭാഗമാക്കും. കമ്മ്യൂണിക്കേറ്റീവ് ഇംഗ്ലീഷിന് പ്രത്യേക പ്രാധാന്യം നല്‍കും. 

സെക്കന്ററി, ഹയര്‍സെക്കന്ററി തലത്തില്‍ ശാസ്ത്രത്തില്‍ ഗ്രീന്‍ കെമിസ്ട്രി, ഗ്രീന്‍ എനര്‍ജി എന്നീ വിഷയങ്ങള്‍ പുതിയതായി വരും. സാമൂഹ്യശാസ്ത്രത്തില്‍ ഗാന്ധിയന്‍ സ്റ്റഡീസ്, ആന്ത്രപ്പോളജി, മീഡിയാ സ്റ്റഡീസ് തുടങ്ങിയവ ഉള്‍പ്പെടുത്തും. എന്‍സിഇആര്‍ടി മാതൃകയില്‍ നാല് പുസ്തകങ്ങളും നിര്‍ദ്ദേശങ്ങളിലുണ്ട്.

സാമൂഹികം, വൈജ്ഞാനികം, വൈകാരികം, നൈപുണി, സര്‍ഗാത്മകം-സൗന്ദര്യാത്മകം എന്നിങ്ങനെ തുടങ്ങി പ്ലസ് ടു വിലെത്തുമ്പോള്‍ ജീവിതമൂല്യങ്ങള്‍, മാനവികതലം, പരിസ്ഥിതി, മാധ്യമസാക്ഷരത, സാംസ്‌കാരികം-രാഷ്ട്രീയം തുടങ്ങിയ 13 ഉള്ളടക്കമേഖലകളിലേയ്ക്ക് പഠനം വികസിക്കും. എസ് സി, എസ് ടി തുടങ്ങി പ്രത്യേക പരിഗണന അര്‍ഹിക്കുന്ന ഗണത്തില്‍പ്പെടുന്ന കുട്ടികള്‍ പഠിക്കുന്ന സ്‌കൂളുകളില്‍ പ്രത്യേക അധ്യാപകര്‍, കൗണ്‍സലര്‍മാര്‍, കെയര്‍ടേക്കര്‍മാര്‍ എന്നിവരുണ്ടാവും. 

ഏറ്റവും പഴക്കമുള്ള തോറ ചുരുള്‍ കണ്ടെത്തി!

ലോകത്തിലിന്നുവരെ കണ്ടെത്തപ്പെട്ടിട്ടുള്ളവയിലേക്കും വച്ച് ഏറ്റവും പഴക്കമുള്ള പൂര്‍ണ്ണമായ തോറ ചുരുള്‍ കണ്ടെത്തിയതായി ഇറ്റലിയിലെ ബൊളോണ്‍ യൂണിവേഴ്‌സിറ്റി അവകാശപ്പെട്ടു.

ജൂതന്മാരുടെ വിശുദ്ധഗ്രന്ഥമാണ് തോറ. ഈ ചുരുള്‍ 850 വര്‍ഷങ്ങള്‍ക്ക് മുന്‍പ് എഴുതപ്പെട്ടതാണെന്ന് കാര്‍ബണ്‍ ടെസ്റ്റുകള്‍ക്ക് ശേഷം യൂണിവേഴ്‌സിറ്റി സ്ഥിരീകരിച്ചിട്ടുണ്ട്. യൂണിവേഴ്‌സിറ്റിയിലെ ഹീബ്രു പ്രൊഫസര്‍ മൗറോ പെരാനിയാണ് ഇത് സംബന്ധിച്ച വെളിപ്പെടുത്തലുകള്‍ നടത്തിയത്.

നാഷണല്‍ ജോഗ്രഫി ബീ മത്സരത്തില്‍ ഇന്ത്യന്‍ വിദ്യാര്‍ത്ഥിക്ക് വിജയം

ഇന്ത്യന്‍ വംശജനായ 12 വയസ്സുകാരന്‍ സാത്വിക് കാര്‍ണിക് അമേരിക്കയില്‍ നടന്ന ലോകപ്രശസ്തമായ നാഷണല്‍ ജോഗ്രഫി ബീ മത്സരത്തില്‍ വിജയിയായി. കര്‍ണാടകയില്‍നിന്ന് യു. എസില്‍ കുടിയേറിയ ഈ ഏഴാം ഗ്രേഡ് വിദ്യാര്‍ത്ഥി ഭൂമിശാസ്ത്രപരമായ എല്ലാ ചോദ്യങ്ങള്‍ക്കും ശരിയുത്തരം പറഞ്ഞാണ് മത്സരത്തില്‍ വിജയം നേടിയത്! 

സാത്വിക് കാര്‍ണിക് മാതാപിതാക്കളോടും സഹോദരനോടുമൊപ്പം

ഭൂമധ്യത്തില്‍നിന്ന് ഏറ്റവും അകലെ സ്ഥിതിചെയ്യുന്ന മലയേത് എന്ന ചോദ്യത്തിന് ഇക്വഡോറിലെ ചിംബൊറാസോ എന്ന് ശരിയുത്തരം നല്‍കിയതോടെയാണ് സാത്വിക് വിജയപീഠം കയറിയത്. മത്സരത്തില്‍ ഫൈനലില്‍ പങ്കെടുത്ത പത്തുപേരില്‍ എട്ടും ഇന്ത്യന്‍ വംശജരായിരുന്നു എന്നത് പ്രത്യേകശ്രദ്ധ നേടി. പതിമൂന്നര ലക്ഷം രൂപ(25000 ഡോളര്‍), ഗാലപ്പഗോസ് ദ്വീപിലേക്ക് സൗജന്യയാത്ര, നാഷണല്‍ ജോഗ്രഫിക് സൊസൈറ്റിയില്‍ ആജീവനാന്ത അംഗത്വം എന്നിവയാണ് കാര്‍ണികിന്  സമ്മാനമായി ലഭിക്കുക. 

കഴിഞ്ഞ രണ്ടുവര്‍ഷങ്ങളിലും സാത്വികിന്റെ ജ്യേഷ്ഠസഹോദരന്‍ ഈ മത്സരത്തില്‍ ഫൈനല്‍ റൗണ്ടിലെത്തിയിരുന്നു.

അമേരിക്കയിലെ നോര്‍ഫോക്കില്‍ താമസിക്കുന്ന സാത്വിക്, കിംഗ് ഫിലിപ്പ് റീജണല്‍ മിഡില്‍ സ്‌കൂളില്‍ ഏഴാം ഗ്രേഡ് വിദ്യാര്‍ത്ഥിയാണ്.

അമേരിക്കയെ വിസ്മയിപ്പിച്ച് ഇന്ത്യന്‍ വിദ്യാര്‍ത്ഥി!

നൂറ്റാണ്ടിന്റെ പഴക്കവും പെരുമയുമുള്ള, അമേരിക്കയിലെ ബര്‍ക്ക്‌ലിയിലുള്ള യൂണിവേഴ്‌സിറ്റി ഓഫ് കാലിഫോര്‍ണിയയിലെ അധ്യാപക വിദ്യാര്‍ത്ഥി സമൂഹത്തെയാകെ അമ്പരപ്പിച്ച നേട്ടവുമായി ഇതാ ഒരു ഇന്ത്യന്‍ വിദ്യാര്‍ത്ഥി! കൊല്‍ക്കത്തയില്‍ ജനിച്ച രിതങ്കര്‍ ദാസ് എന്ന പതിനെട്ടുവയസ്സുകാരനാണ് ഏവര്‍ക്കും അത്ഭുതമായി മാറിയിരിക്കുന്നത്.

പാഠ്യ പാഠ്യേതരരംഗത്തെ മികവിനുള്ള മെഡല്‍ നേടുന്ന യൂണിവേഴ്‌സിറ്റിയുടെ ചരിത്രത്തിലെ ഏറ്റവും പ്രായം കുറഞ്ഞ വിദ്യാര്‍ത്ഥി എന്ന അസുലഭ നേട്ടമാണ്  രിതങ്കര്‍ കൊയ്തിരിക്കുന്നത്.
1871ല്‍ ഏര്‍പ്പെടുത്തപ്പെട്ട ഈ മെഡല്‍ എല്ലാ വര്‍ഷവും അന്യാദൃശ മികവ് കാട്ടുന്ന ഒരു വിദ്യാര്‍ത്ഥിക്ക് നല്‍കിവരികയാണ്. രിതങ്കറാകട്ടെ ബയോ എന്‍ജിനീയറിംഗ് ബിരുദ പരീക്ഷയ്ക്ക് എട്ട് A+ കളോടെ 200 ക്രെഡിറ്റ് പേയിന്റും 3.99 ഗ്രേഡ് പോയിന്റ് ആവറേജും നേടിയാണ് മെഡലിന് അര്‍ഹനായത്. വെറും പതിനെട്ട് വയസ്സില്‍ ഇതൊരു റെക്കോഡാണ്.
രിതങ്കറിന്റെ നേട്ടത്തിന്റെ വലിപ്പം മനസ്സിലാകാന്‍ യൂണിവേഴ്‌സിറ്റി ഓഫ് കാലിഫോര്‍ണിയയിലെ മുന്‍കാല വിദ്യാര്‍ത്ഥികളുടെ ലിസ്റ്റിലൂടെ ഒന്നു കണ്ണോടിച്ചാല്‍ മതിയാവും. ഇന്റല്‍ സ്ഥാപകന്‍ ഗോര്‍ഡന്‍ മൂര്‍, മൗസ് കണ്ടുപിടിച്ച ഡഗ് ഏംഗല്‍ബര്‍ട്ട് തുടങ്ങി നിരവധി നോബല്‍ ജേതാക്കള്‍ വരെയുണ്ടിതില്‍. ഇന്ത്യയില്‍നിന്ന് ജയപ്രകാശ് നാരായന്‍, പൃഥിരാജ് ചൗഹാന്‍, പാക്കിസ്ഥാനില്‍നിന്ന് സുള്‍ഫിക്കര്‍ അലി ഭൂട്ടോ തുടങ്ങിയവരും ഈ ലിസ്റ്റില്‍ വരും. ഇവരുള്‍പ്പെടെ ആര്‍ക്കും എത്തിപ്പിടിക്കാന്‍ സാധിക്കാത്ത നേട്ടമാണ് കൊച്ചു രിതങ്കര്‍ ഈ ചെറുപ്രായത്തില്‍ നേടിയതെന്നര്‍ത്ഥം!
രിതങ്കറുമായുള്ള അഭിമുഖം ശ്രദ്ധക്കൂ...

ബിരുദപഠനത്തിനുള്ള പ്രായമാകും മുന്‍പുതന്നെ ബിരുദം സ്ത്യുത്യര്‍ഹമാംവിധം നേടിക്കഴിഞ്ഞ ഈ മിടുമിടുക്കന്‍ ഇനി ബയോമെഡിക്കല്‍ എന്‍ജിനീയറിംഗില്‍ മാസ്റ്റര്‍ ബിരുദത്തിന് വിഖ്യാതമായ ഓക്‌സ്ഫഡ് സര്‍വകലാശാലയില്‍ സ്‌കോളര്‍ഷിപ്പോടെ പ്രവേശനം നേടിക്കഴിഞ്ഞു. മാത്രമല്ല, മസ്സാച്ചുസെറ്റ്‌സ് ഇന്‍സ്റ്റിറ്റിയൂട്ട് ഓഫ് ടെക്‌നോളജിയില്‍ രസതന്ത്രത്തില്‍ ഡോക്ടറേറ്റിനും ഈ ബുദ്ധിശാലിക്ക് പ്രവേശനം തരപ്പെട്ടുകഴിഞ്ഞു.

കുരുന്നിലക്കെന്തേ ചുവപ്പുനിറം

ഉഷ്‌ണമേഖലാപ്രദേശങ്ങളില്‍ വളരുന്ന ചില ചെടികളുടെ (ഉദാ. മാവ്‌) കുരുന്നിലകള്‍ക്ക്‌ ചുവപ്പുനിറം കാണുന്നു. പ്രായമാകുമ്പോള്‍ ഈ നിറം മാറി പച്ചയാകുകയും ചെയ്യുന്നു.

ചുവപ്പുനിറത്തിന്‍െറ കാരണം

• കുരുന്നിലകളിലെ ആന്തോസയാനിന്‍ എന്ന വര്‍ണവസ്‌തുവാണ്‌ ചുവപ്പുനിറം കൊടുക്കുന്നത്‌. 
• ഈ ഇലകളിലെ ഫേനങ്ങളില്‍ (vacuoles) ആണ്‌ ജലത്തില്‍ ലയിക്കുന്ന സ്വഭാവമുള്ള ഈ വര്‍ണകമുള്ളത്‌. 
• കുരുന്നിലകളുടെ അരികുകള്‍ക്ക്‌ ഇവ സവിശേഷനിറം നല്‍കുന്നു.

ഇതുകൊണ്ട്‌ ചെടികള്‍ക്കുള്ള പ്രയോജനം

• ആന്തോസയാനിന്‍ അള്‍ട്രാവയലറ്റ്‌ രശ്‌മികളില്‍നിന്നും അതിതീവ്ര പ്രകാശത്തില്‍നിന്നും ഇലകളെ രക്ഷിക്കുന്നു.
• ഇലയെ ആക്രമിക്കുന്ന ചില കീടങ്ങള്‍ക്ക്‌ ചുവപ്പുനിറം കാണാന്‍ കഴിയില്ല. അതുകൊണ്ടുതന്നെ ഈ നിറമുള്ള കുരുന്നിലകളേയും.
• ആന്തോസയാനിന്‍ കൂടാതെ ഫീനോളുകള്‍ എന്ന വിഭാഗത്തില്‍പ്പെട്ട രാസവസ്‌തുക്കളും ഈ ഇലകളിലുണ്ട്‌. സസ്യഭുക്കുകള്‍ക്കിഷ്‌ടപ്പെടാത്ത ഒരു രുചി ഫീനോള്‍ ഇലകള്‍ക്കു നല്‍കുന്നു. 
• ആന്തോസയാനിന്‍ കുമിളുകളെ തടയുകയോ നശിപ്പിക്കുകയോ ചെയ്യുന്നു. ഇങ്ങനെ ഇലകള്‍ കുമിളുകളുടെ ആക്രമണത്തില്‍നിന്നും സംരക്ഷിതരാകുന്നു. 
• തീവ്രപ്രകാശത്തില്‍നിന്നും ഇലകള്‍ക്ക്‌ രക്ഷ ലഭിക്കുക എന്നത്‌ ഉഷ്‌ണമേഖലാ പ്രദേശങ്ങളിലെ ചെടികള്‍ക്ക്‌ ഒരാവശ്യംതന്നെയാണ്‌. നിറംമാറ്റം ചെടികളെ സംബന്ധിച്ച്‌ പ്രസക്തമാകുന്നത്‌ ഇക്കാരണത്താലാണ്‌. 

Why are tender leaves reddish?

In tropical countries, the young leaves of some plants (eg. mango tree) are red-coloured. When the leaves age, the red colour changes to green. 

Cause of red colour: The presence of anthocyanin pigments. 

• These pigments are water-soluble and are found in the vacuoles of the palisade cells of leaves. 
• These pigments colour the edges of some of the very young leaves.
• Adaptation
• Anthocyanins act as a “sunscreen”and protect the cells from UV rays, or blue-green light.
• The red colour of  the leaves hide the leaves from red-colour blind herbivores. eg. aphid insects.
• Phenols are often produced along with anthocyamins. This creater unpalatability to herbivores.
• Anthocyanins deter or kill fungus thus protecting young leaves from fungus attack.
• Protection of young leaves from intense light is important in tropical plants. So such plants develop differently coloured leaves (instead of green leaves when they are young.)

സ്‌കൂളുകള്‍ക്ക് മികവിന് അവാര്‍ഡ്‌

ഇത്തവണത്തെ സംസ്ഥാന ബജറ്റില്‍ മികച്ച സ്‌കൂളുകള്‍ക്ക് അവാര്‍ഡ് നല്‍കുന്നതിന് പ്രത്യേകം തുക വകയിരുത്തി. വിദ്യാഭ്യാസ നിലവാരം ഉയര്‍ത്തുക എന്ന ലക്ഷ്യം വച്ച് മികച്ച എല്‍പി സ്‌കൂളിന് അഞ്ചു ലക്ഷം രൂപ, യുപി സ്‌കൂളിന് ഏഴര ലക്ഷം രൂപ, ഹൈസ്‌കൂളിന് പത്ത് ലക്ഷം രൂപ, ഹയര്‍ സെക്കന്‍ഡറി സ്‌കൂളിന് പതിനഞ്ച് ലക്ഷം രൂപ ആര്‍ട്‌സ് ആന്‍ഡ് സയന്‍സ് കോളജിന് ഇരുപത്തഞ്ച് ലക്ഷം രൂപ എന്നിങ്ങനെയായിരിക്കും എക്‌സലന്‍സ് അവാര്‍ഡ് തുക നല്‍കുക.
എല്‍പി വിഭാഗത്തില്‍ സര്‍ക്കാര്‍ സ്‌കൂളിനും സ്വകാര്യ സ്‌കൂളിനും പ്രത്യേകം അവാര്‍ഡ് ഉണ്ടാവും. സമ്മാനത്തുക അധ്യാപക രക്ഷാകര്‍തൃ സംഘടനയുടെയോ കോളജ് ഡവലപ്‌മെന്റ് കൗണ്‍സിലിന്റെയോ നേതൃത്വത്തില്‍ സ്ഥാപനത്തിന്റെ വികസനപരിപാടികള്‍ക്ക് ഉപയോഗപ്പെടുത്താം.
ഇതു കൂടാതെ എല്ലാ കോളജുകളിലും് പോളിടെക്‌നിക്കുകളിലും ഐറ്റിഐകളിലും പ്ലേസ്‌മെന്റ് സെല്ലുകള്‍ ആരംഭിക്കാന്‍ എട്ടു കോടി രൂപയും ബജറ്റില്‍ പ്രഖ്യാപിച്ചിട്ടുണ്ട്. അധ്യാപകരുടെയും വിദ്യാര്‍ത്ഥികളുടെയും ഗവേഷണത്തിനു പിന്തുണ നല്‍കാന്‍   ആറു കോടി രൂപയുടെ പുതിയ പദ്ധതിയും പ്രഖ്യാപിച്ചിട്ടുണ്ട്.