BREAKING NEWS

NEWS UPDATED രാജ്യത്തെ 2500 നഗരങ്ങളില്‍ സൗജന്യമായി വൈ-ഫൈ ലഭ്യമാക്കുമെന്ന് കേന്ദ്രം... ഇന്റര്‍നെറ്റ് ഉപയോഗത്തില്‍ ഇന്ത്യ അമേരിക്കയെ കടത്തിവെട്ടി രണ്ടാം സ്ഥാനത്തെത്തുമെന്ന് പഠനം. ..... ഫിലെ ലാന്‍ഡര്‍ വാൽനക്ഷത്രത്തിൽ തൊട്ടു...യുട്യൂബിന് വെല്ലുവിളിയായി സാംസംഗിന്റെ ‘മില്‍ക്ക്’ ആപ്പ്.........

Flash

Monday, 9 September 2013

ലിയാന്‍ഡര്‍ പെയ്‌സിന് യു എസ് ഓപ്പണ്‍

പ്രായം തളര്‍ത്താത്ത പ്രതിഭയാണ് താനെന്ന് ലിയാന്‍ഡര്‍ പെയ്‌സ് ഒരിക്കല്‍ കൂടി ലോകത്തിന് ബോധ്യപ്പെടുത്തി. ഈ വര്‍ഷത്തെ യു എസ് ഓപ്പണ്‍ ഡബിള്‍സ് വിജയത്തിലൂടെ തന്റെ എട്ടാം ഗ്രാന്‍ഡ് സ്ലാം കിരീടം നേടിക്കൊണ്ടായിരുന്നു ഇത്. ചെക്ക് താരം റാഡെക് സ്‌റ്റെപാനെക് ആയിരുന്നു കൂട്ടാളി.


ഫൈനലില്‍ ലോക രണ്ടാം നമ്പര്‍ ജോടിയായ അലക്‌സാണ്ടര്‍ പേയ-ബ്രൂണോ സോറസ് സഖ്യത്തെയാണ് നേരിട്ടുള്ള സെറ്റുകളില്‍ ഇവര്‍ പരാജയപ്പെടുത്തിയത്.
വയസ്സ് നാല്‍പതിലെത്തിയ പെയ്‌സിന്റെ മൂന്നാം യു എസ് ഓപ്പണ്‍ ഡബിള്‍സ് കിരീടനേട്ടമായിരുന്നു ഇത്തവണത്തേത്. കഴിഞ്ഞ വര്‍ഷം ഇവിടെ രണ്ടാം സ്ഥാനക്കാരായിരുന്നു ഈ സഖ്യം. ആറ് മിക്‌സഡ് ഡബിള്‍സ് കിരീടങ്ങള്‍ അടക്കം പതിനാല് ഗ്രാന്‍ഡ് സ്ലാം ടൈറ്റിലുകള്‍ പെയ്‌സ് ഇതുവരെ നേടിക്കഴിഞ്ഞു. സ്‌റെറപാനെകിനാകട്ടെ രണ്ട് ഗ്രാന്‍ഡ് സ്ലാം കിരീട നേട്ടങ്ങളാണുള്ളത്. ഇത് രണ്ടും പെയ്‌സിനൊപ്പമായിരുന്നു.
1996ലെ അറ്റ്‌ലാന്റ ഒളിംപിക്‌സില്‍ ടെന്നീസ് സിംഗിള്‍സില്‍ പെയ്‌സ് വെങ്കലം നേടി. 1992 ല്‍ തുടങ്ങി 2012 ല്‍ വരെ ആറ് ഒളിംപിക്‌സുകളില്‍ മത്സരിച്ച ഏക ടെന്നീസ് താരവും ഭാരതത്തിന്റെ ഈ വീര പുത്രനാണ്.
1972ലെ മ്യൂണിക് ഒളിംപിക്‌സില്‍ വെങ്കലം നേടിയ ഇന്ത്യന്‍ ഹോക്കി ടീമില്‍ അംഗമായിരുന്ന വേസ് പെയ്‌സിന്റെയും പ്രശസ്ത ബംഗാളി കവി മൈക്കല്‍ മധുസൂദനന്‍ ദത്തിന്റെ കൊച്ചുമകളായ ജെന്നിഫറിന്റെയും മകനായി 1973 ജൂണ്‍ 17ന് ഗോവയിലാണ് ലിയാന്‍ഡര്‍ ജനിച്ചത്. രാജിവ് ഗാന്ധി ഖേല്‍ രത്‌ന, അര്‍ജുന, പദ്മശ്രീ അടക്കമുള്ള ഉന്നത ബഹുമതികള്‍ നല്‍കി രാജ്യം തളരാത്ത ഈ വീര പോരാളിയെ ആദരിച്ചിട്ടുണ്ട്.

യു എസ് ഓപ്പണ്‍ സെറീനയ്ക്ക് വീട്ടുകാര്യം

അമേരിക്കക്കാരിയും കഴിഞ്ഞ വര്‍ഷത്തെ ജേതാവുമായ സെറീന വില്ല്യംസ് തന്നെ ഇക്കുറിയും യു എസ് ഓപ്പണ്‍ ചാംപ്യന്‍.


കഴിഞ്ഞ വര്‍ഷത്തെ ഫൈനലിന്റെ തനിയാവര്‍ത്തനത്തില്‍ ഇപ്പോഴത്തെ ലോക ഒന്നാം നമ്പറായ സെറീന ലോക രണ്ടാം നമ്പര്‍ വിക്‌ടോറിയ അസറെങ്കയെ പരാജയപ്പെടുത്തി തന്റെ അഞ്ചാം യു എസ് ഓപ്പണ്‍ കിരീടത്തില്‍ മുത്തമിട്ടു. വനിതാ ടെന്നീസില്‍ കരുത്തിന്റെ പുതിയ അധ്യായങ്ങള്‍ രചിച്ച  സെറീനയുടെ പതിനേഴാം ഗ്രാന്‍ഡ് സ്ലാം വിജയമാണിത്.
അമേരിക്കയിലെ മിച്ചിഗണിലുള്ള സാഗിനോയ് എന്ന സ്ഥലത്ത് 1981 സെപ്റ്റംബര്‍ 26 ന് ജനിച്ച സെറീന 2002 ജൂലൈ 8നാണ് ആദ്യമായി ലോക ഒന്നാം നമ്പര്‍ സ്ഥാനത്തെത്തുന്നത്. പിന്നീട് ഇടയ്‌ക്കൊക്കെ സ്ഥാനചലനമുണ്ടായെങ്കിലും വീണ്ടും പൂര്‍വാധികം ശക്തിയോടെ തിരിച്ചെത്തി. നിലവില്‍ ഫ്രഞ്ച് ഓപ്പണ്‍, ഒളിംപിക്‌സ് കിരീടനേട്ടങ്ങളും സെറീനയുടെ പേരില്‍ത്തന്നെ. തന്റെ ടെന്നീസ് കരിയറില്‍ സിംഗിള്‍സിലും ഡബിള്‍സിലും ഗോള്‍ഡന്‍ സ്ലാം കിരീടങ്ങള്‍ നേടിയ ഏക വ്യക്തിയും സെറീന തന്നെ. സഹോദരി വീനസ് വില്ല്യംസുമൊത്ത് 13 ഗ്രാന്‍ഡ് സ്ലാം ഡബിള്‍സ് കിരീടങ്ങള്‍ നേടിയിട്ടുണ്ട് സെറീന.


ബലറൂസ് താരമായ വിക്‌ടോറിയ അസറെങ്ക ഏതെങ്കിലുമൊരു ഗ്രാന്‍ഡ് സ്ലാം ടെന്നീസ് സിംഗിള്‍സ് കിരീടം നേടുന്ന ആ രാജ്യത്തെ ആദ്യ താരമാണ്. 2012, 2013 വര്‍ഷങ്ങളിലെ ആസ്ട്രലിയന്‍ ഓപ്പണ്‍ ചാംപ്യനാണീ സുന്ദരി. 2007ല്‍ യു എസ് ഓപ്പണും 2008 ഫ്രഞ്ച് ഓപ്പണും മിക്‌സഡ് ഡബിള്‍സ് കിരീടങ്ങളും അസറെങ്ക നേടിയിട്ടുണ്ട്. 2012 ലണ്ടന്‍ ഒളിംപിക്‌സില്‍ സിംഗിള്‍സില്‍ വെങ്കലവും മിക്‌സഡ് ഡബിള്‍സില്‍ സ്വര്‍ണ്ണവും അസറെങ്ക കരസ്ഥമാക്കിയിരുന്നു.

Friday, 6 September 2013

ദീപക് സന്ധു: രാജ്യത്തെ ആദ്യ വനിതാ മുഖ്യവിവരാവകാശ കമ്മീഷണര്‍

രാജ്യത്തെ ആദ്യ വനിതാ മുഖ്യവിവരാവകാശ കമ്മീഷണറായി 64-കാരിയായ ദീപക് സന്ധു ചുമതലയേറ്റു.
നാലുവര്‍ഷമായി വിവരാവകാശകമ്മീഷണറായി സേവനമനുഷ്ഠിച്ചുവരികയായിരുന്നു ദീപക് സന്ധു. 1971 ബാച്ച് ഇന്ത്യന്‍ ഇന്‍ഫര്‍മേഷന്‍ സര്‍വീസ് ഉദ്യോഗസ്ഥയാണ്. പ്രസ് ഇന്‍ഫര്‍മേഷന്‍ ബ്യൂറോ പ്രിന്‍സിപ്പല്‍ ഡയറക്ടര്‍ ജനറല്‍(മീഡിയ ആന്‍ഡ് കമ്യൂണിക്കേഷന്‍സ്), ഡി.ഡി. ന്യൂസ് ഡയറക്ടര്‍ ജനറല്‍, ആകാശവാണി വാര്‍ത്താവിഭാഗം ഡയറക്ടര്‍ ജനറല്‍ തുടങ്ങിയ തസ്തികകളില്‍ സേവനമനുഷ്ഠിച്ചിട്ടുണ്ട്. സത്യാനന്ദമിശ്ര വിരമിച്ചതിനെത്തുടര്‍ന്നാണ് ദീപക് സന്ധു ഈ പദവിയില്‍ നിയമിതയായത്.

2012ലെ സംസ്ഥാന അധ്യാപക അവാര്‍ഡുകള്‍ പ്രഖ്യാപിച്ചു

സംസ്ഥാന അധ്യാപക അവാര്‍ഡുകള്‍ പ്രഖ്യാപിച്ചു. പ്രൈമറി വിഭാഗത്തില്‍ 14 ഉം സെക്കന്‍ഡറി വിഭാഗത്തില്‍ 13 ഉം ഹയര്‍സെക്കന്‍ഡറിയില്‍ ഒമ്പതും വൊക്കേഷണല്‍ ഹയര്‍സെക്കന്‍ഡറിയില്‍ അഞ്ചും പേരാണ് അവാര്‍ഡിന് അര്‍ഹരായി. കാഷ് അവാര്‍ഡും പ്രശസ്തിപത്രവും ശില്‍പ്പവും അടങ്ങുന്നതാണ് അവാര്‍ഡ്.
അവാര്‍ഡ് ജേതാക്കള്‍ :
സെക്കണ്ടറി വിഭാഗം.
തിരുവനന്തപുരം: കെ. ആര്‍. സുരേഷ്‌കുമാര്‍, എച്ച്.എസ്.എ, വെങ്ങാനൂര്‍ എച്ച്. എസ്. എസ് ഫോര്‍ ഗേള്‍സ്. കൊല്ലം: എ. വി. ജോര്‍ജ്, ഹെഡ്മാസ്റ്റര്‍, മാര്‍ത്തോമ ഗേള്‍സ് ഹൈസ്‌കൂള്‍, പുലമണ്‍.
പത്തനംതിട്ട: സൂസന്‍ ഐസക്, എച്ച്. എസ്. എ, തിരുവല്ല പുതുശേരി എം. ജി. ഡി ഹൈസ്‌കൂള്‍.
ആലപ്പുഴ: എസ്. നന്ദകുമാര്‍, ഹെഡ്മാസ്റ്റര്‍, തിരുമലഭാഗം ടി. ഡി. എച്ച്. എസ്. എസ്, തുറവൂര്‍, ചേര്‍ത്തല.
കോട്ടയം: ജോസിറ്റ് മോന്‍ ജോണ്‍, പൂഞ്ഞാര്‍ എസ് എം വി എച്ച് എസ് എസ്‌.
ഇടുക്കി: മാത്യു പി. പെരുമ്പനാനി, ഹെഡ്മാസ്റ്റര്‍, സെന്റ് സെബാസ്റ്റ്യന്‍സ് എച്ച്. എസ്. എസ്, വഴിതല, തൊടുപുഴ.
നിയാസ് ചോല,
എച്ച്. എസ്. എ, മര്‍ക്കസ്
ഹയര്‍സെക്കന്‍ഡറി സ്‌കൂള്‍
കാരന്തൂര്‍.
എറണാകുളം: വി. എ. ജോയ്, എച്ച്. എസ്. എ, സെന്റ് അഗസ്റ്റ്യന്‍സ് ഹൈസ്‌കൂള്‍, കലൂര്‍.
തൃശൂര്‍: കെ. മായ, എച്ച്. എസ്. എ, എസ്. എന്‍. എച്ച്. എസ്. എസ്, ഇരിങ്ങാലക്കുട.
മലപ്പുറം: കെ. ടി. മനോജ്, സി. ബി. എച്ച്. എസ്. എസ്, വള്ളിക്കുന്ന്.
കോഴിക്കോട്: നിയാസ് ചോല, എച്ച്. എസ്. എ, മര്‍ക്കസ് ഹയര്‍സെക്കന്‍ഡറി സ്‌കൂള്‍ കാരന്തൂര്‍.
കെ. വി. സുജാത,
ഫിസിക്കല്‍ എജ്യുക്കേഷന്‍,
 ജി. എച്ച്. എസ്. എസ്,
 മീനങ്ങാടി.
വയനാട്: കെ. വി. സുജാത, ഫിസിക്കല്‍ എജ്യുക്കേഷന്‍, ജി. എച്ച്. എസ്. എസ്, മീനങ്ങാടി.
കണ്ണൂര്‍: കെ. സി. രാജന്‍, എച്ച്. എസ്. എ, ജി. വി. എച്ച്. എസ് കണ്ണൂര്‍.
കാസര്‍കോട്: സി. എച്ച്. ശങ്കര കാമത്ത്, പ്രിന്‍സിപ്പല്‍, ജി. വി. എച്ച്. എസ്. എസ്. ഹേരൂര്‍, .
പ്രൈമറി വിഭാഗം:
തിരുവനന്തപുരം: ആര്‍. ഗണപതിപോറ്റി, ഹെഡ്മാസ്റ്റര്‍, ഗവ. എല്‍. പി. എസ് അരുവിക്കര.
കൊല്ലം: ജോര്‍ജ് തോമസ്, ഹെഡ്മാസ്റ്റര്‍, ജി. ഡബ്‌ള്യു. എല്‍. പി. എസ്, തേവലപുരം.
പത്തനംതിട്ട: പി. ഉഷാകുമാരി, ഹെഡ്മിസ്ട്രസ്, ഗവ. എല്‍. പി. എസ്, അയിരൂര്‍.
ആലപ്പുഴ: ജോളിതോമസ്, ഹെഡ്മിസ്ട്രസ്, സി. എം. എല്‍. പി. എസ്, മുഹമ്മ.
കോട്ടയം: എസ്. എ. രാജീവ്, ഹെഡ്മാസ്റ്റര്‍, ഗവ. യു. പി. എസ് ചീരഞ്ചിറ.
ഇടുക്കി: എ. എം. നസീമ, ഹെഡ്മിസ്ട്രസ്, ഗവ. െ്രെടബല്‍ യു. പി. എസ്, കുമളി.
എറണാകുളം: എന്‍. ആര്‍. ശ്രീനിവാസന്‍, ഹെഡ്മാസ്റ്റര്‍, ഗവ. എല്‍. പി. എസ്, കക്കാട്ടുപാറ, കിങ്ങിണിമറ്റം. തൃശൂര്‍: സി. ടി. ജയിംസ്, ഡ്രോയിങ് ടീച്ചര്‍, സെന്റ്‌തോമസ് എച്ച്. എസ്. എസ്, തോപ്പ്.
പാലക്കാട്: എ. ഹാറൂണ്‍, ഹെഡ്മാസ്റ്റര്‍, ജി. എല്‍. പി. എസ് പല്ലാവൂര്‍.
മലപ്പുറം: സി. അബ്ദുറഹിമാന്‍, ഹെഡ്മാസ്റ്റര്‍, എ. എം. എല്‍. പി. സ്‌കൂള്‍ വാക്കാലൂര്‍, കാവനൂര്‍.

കെ. പി. രാമചന്ദ്രന്‍,
 ഹെഡ്മാസ്റ്റര്‍,
വിളയാറ്റൂര്‍ എളമ്പിലാട്
എം. യു. പി സ്‌കൂള്‍, 
കോഴിക്കോട്: കെ. പി. രാമചന്ദ്രന്‍, ഹെഡ്മാസ്റ്റര്‍, വിളയാറ്റൂര്‍ എളമ്പിലാട് എം. യു. പി സ്‌കൂള്‍,
റോസമ്മ ജോര്‍ജ്,
ഹെഡ്മിസ്ട്രസ്,
 ജി. യു. പി. എസ്, മാതമംഗലം,
 നായ്ക്കട്ടി.
മേപ്പയ്യൂര്‍. വയനാട്: റോസമ്മ ജോര്‍ജ്, ഹെഡ്മിസ്ട്രസ്, ജി. യു. പി. എസ്, മാതമംഗലം, നായ്ക്കട്ടി.
കണ്ണൂര്‍: വി. രാജേഷ്, എല്‍. പി. എസ്. എ, കാനാട് എല്‍. പി. സ്‌കൂള്‍.
കാസര്‍കോട്: എം. രമഭായി, ഹെഡ്മിസ്ട്രസ്, ജി. യു.പി.എസ് മൂടമ്പയില്‍.
ഹയര്‍സെക്കണ്ടറി വിഭാഗം.
തിരുവനന്തപുരം: ഡോ. കെ. വത്സലാമ്മ, പ്രിന്‍സിപ്പല്‍, ഗവ. എച്ച്. എസ്. എസ്, കൊട്ടാരക്കര, കൊല്ലം. കസ്മീര്‍ തോമസ്, എച്ച്. എസ്. എസ്. ടി, വിമലഹൃദയ എച്ച്. എസ്. എസ്.ഫോര്‍ ഗേള്‍സ്, കൊല്ലം. സൂര്യനാരായണ കുഞ്ഞുരായര്‍, എച്ച്. എസ്. എസ്. ടി, ഗവ. മോഡല്‍, ഗേള്‍സ് എച്ച്. എസ്. എസ് പട്ടം. എറണാകുളം: ഡോ. കെ. വി. വര്‍ഗീസ്, പ്രിന്‍സിപ്പല്‍, സെന്റ് ജോസഫ്‌സ് എച്ച്. എസ്. എസ്, പെരുവന്താനം, ഇടുക്കി. കെ. ജെ. ജോസ്, എച്ച്. എസ്. എസ്. ടി, ഗവ. മോഡല്‍ എച്ച്. എസ്. എസ്, നടവരമ്പ, തൃശൂര്‍. ഫാ. തോമസ് ജോസ്, പ്രിന്‍സിപ്പല്‍, സെന്റ് ജെറോംസ് എച്ച്. എസ്. എസ്, വെള്ളയാകുടി, ഇടുക്കി. കോഴിക്കോട്: പി. രതീഷ്‌കുമാര്‍, എച്ച്. എസ്. എസ്. ടി, ചട്ടഞ്ചാല്‍ എച്ച്. എസ്. എസ്, കാസര്‍കോട്.
 ഡോ. ഇ. വി അബ്ദുല്ല,
എച്ച്. എസ്. എസ്. ടി,
പേരാമ്പ്ര എച്ച്. എസ്. എസ്,
 കോഴിക്കോട്
 ഡോ. ഇ. വി അബ്ദുല്ല, എച്ച്. എസ്. എസ്. ടി, പേരാമ്പ്ര എച്ച്. എസ്. എസ്, കോഴിക്കോട്. ടി. എം. രാജേന്ദ്രന്‍, എച്ച്. എസ്. എസ്. ടി, ഗവ. എച്ച്. എസ്. എസ് ശ്രീകണ്ഠാപുരം, കണ്ണൂര്‍.
വൊക്കേഷണല്‍ ഹയര്‍സെക്കന്‍ഡറി മേഖല തിരിച്ച്, കൊല്ലം: പി. എ സജിമോന്‍, എസ്. വി. എം. മോഡല്‍ വി. എച്ച്. എസ്. എസ് വെണ്ടാര്‍, കൊല്ലം. ചെങ്ങന്നൂര്‍: കെ. സി. ഹരികുമാര്‍, കണിച്ചുകുളങ്ങര വി. എച്ച്. എസ്. എസ്, ആലപ്പുഴ. എറണാകുളം: ടി. വി. മുരളീധരന്‍, എന്‍. ഐ. വി. എച്ച്. എസ്. എസ്, മാരമ്പള്ളി, എറണാകുളം. കുറ്റിപ്പുറം: കെ. അബ്ദുല്‍ റഷീദ്, പി. എം. എസ്. എ. വി. എച്ച്. എസ്. എസ്, ചാപ്പനങ്ങാടി, മലപ്പുറം. പയ്യന്നൂര്‍: ഒ. എം. അജിത്, കൊടക്കാട് കെ. എം. വി. എച്ച്. എസ്. എസ്, കണ്ണൂര്‍.

Wednesday, 4 September 2013

നോക്കണ്ട... നോക്കിയ ഇനിയില്ല.

നോക്കിയ ഇനിമുതല്‍ പഴയ നോക്കിയ അല്ല. മൊബൈല്‍ ഫോണുകളുടെ പര്യായമായി മാറിക്കഴിഞ്ഞ നോക്കിയയുടെ വിലാസം മാറുകയാണ്. നോക്കിയയുടെ ഹാന്‍ഡ് സെറ്റ് വിഭാഗം മൈക്രോസോഫ്റ്റ് കോര്‍പറേഷന്‍ ഏറ്റെടുത്തുകഴിഞ്ഞു. 720 കോടി ഡോളറിനാണ് കച്ചവടം. രൂപക്കണക്കില്‍ ഏതാണ്ട് 47,520 കോടി വരുമിത്.
നോക്കിയ സിഇഒ സ്റ്റീഫന്‍ എലോപും മൈക്രോസോഫ്റ്റ് സിഇഒ സ്റ്റീവ് ബാമറും
സ്മാര്‍ട് ഫോണ്‍ രംഗത്ത് തരംഗം സൃഷ്ടിച്ച ഗൂഗിളിന്റെ ആന്‍ഡ്രോയ്ഡ് ഓപ്പറേറ്റിംഗ് സിസ്റ്റത്തിന് മറുപടിയായി വിന്‍ഡോസ് മൊബൈല്‍ പ്ലാറ്റ്‌ഫോം അവതരിപ്പിച്ച് വന്‍ മുന്നേറ്റത്തിന് തുടക്കമിട്ടിരിക്കുകയാണ് മൈക്രോസോഫ്റ്റ്. അതിനാക്കം കൂട്ടുന്നതാണ് നോക്കിയയെ ഏറ്റെടുക്കല്‍. സ്മാര്‍ട് ഫോണ്‍ മൊബൈല്‍ രംഗത്തെ മുന്‍നിരക്കാരായ ആപ്പിള്‍, ഗൂഗിള്‍, സാംസങ് തുടങ്ങിയവര്‍ക്ക് വലിയ വെല്ലുവിളിയായിരിക്കും ഈ നീക്കം എന്ന് കരുതപ്പെടുന്നു. ആന്‍ഡ്രോയ്ഡിന്റെ ഉപജ്ഞാതാക്കളായ ഗൂഗിള്‍ അടുത്തയിടെ ഹാന്‍ഡ് സെറ്റ് നിര്‍മ്മാതാക്കളായ മോട്ടോറോളയെ ഏറ്റെടുത്തിരുന്നു.
നോക്കിയ ഇനി വയര്‍ലെസ് ഉപകരണങ്ങളുടെ നിര്‍മ്മാണവുമായി മുന്നോട്ടുപോകുമെന്നറിയുന്നു.
ഫിന്‍ലന്റിലെ എസ്പൂ എന്ന സ്ഥലം കേന്ദ്രമാക്കി പ്രവര്‍ത്തിക്കുന്ന കമ്പനിയാണ് നോക്കിയ. 1998 മുതല്‍ ലോകത്തിലെ ഏറ്റവും വലിയ മൊബൈല്‍ ഫോണ്‍ നിര്‍മ്മാതാക്കളായിരുന്നു നോക്കിയ. അടുത്തകാലത്ത് വില്പനയില്‍ പിന്നോട്ടായി. തകര്‍ച്ചയില്‍നിന്ന് കരകയറാന്‍, അതുവരെ ഉപയോഗപ്പെടുത്തിയിരുന്ന സിംബിയന്‍ ഓപ്പറേറ്റിംഗ് സിസ്റ്റത്തെ തള്ളി, 2012 ഫെബ്രുവരിയില്‍ മൈക്രോസോഫ്റ്റുമായി കരാറുണ്ടാക്കി. തുടര്‍ന്ന് മൈക്രോസോഫ്റ്റിന്റെ വിന്‍ഡോസ് ഫോണ്‍ എന്ന ഓപ്പറേറ്റിംഗ് സിസ്റ്റം നോക്കിയ സ്മാര്‍ട് ഫോണുകളില്‍ ഉപയോഗിച്ചു തുടങ്ങി. ഇപ്പോഴിതാ മുഴുവനായും മൈക്രോസോഫ്റ്റിന്റെ കൈകളിലെത്തി.

Top News

Labour India