കൊച്ചി ബിനാലെ. എന്താണ്‌ `ബിനാലെ'?

കലയുടെ അന്താരാഷ്‌ട്ര സങ്കല്‌പങ്ങള്‍ മലയാളികള്‍ക്ക്‌ പരിചയപ്പെടുത്തിയ കൊച്ചി ബിനാലെ. രാജ്യാന്തര പ്രശസ്‌തരായ നിരവധി കലാകാരന്മാരുടെ പുതിയ കലാ സൃഷ്ടികള്‍ കാണുന്നതിനും ആസ്വദിക്കുന്നതിനും ഈ രംഗത്തെ അനന്തമായ സാധ്യതകള്‍ മനസ്സിലാക്കുന്നതിനും നമ്മുടെ കലാകാരന്മാര്‍ക്കും ആസ്വാദകര്‍ക്കും അവസരമുണ്ടാക്കി എന്നതാണ്‌ ഇതിന്റെ പ്രാധാന്യമായി എടുത്തു പറയേണ്ടത്‌. 

ലക്ഷക്കണക്കിന്‌ സന്ദര്‍ശകരാണ്‌ കൊച്ചിയിലെ വിവിധ വേദികളിലായി അരങ്ങേറിയ ബിനാലെ വേദികളില്‍ കയറിയിറങ്ങിയത്‌.
ഇനി എന്താണ്‌ `ബിനാലെ'?
ഇതൊരു ഇറ്റാലിയന്‍ വാക്കാണ്‌ - Biennale. `രണ്ടുവര്‍ഷത്തിലൊരിക്കല്‍ സംഭവിക്കുന്നത്‌' എന്നര്‍ത്ഥം. 1895 ല്‍ വെനീസില്‍ സംഘടിപ്പിക്കപ്പെട്ട വെനീസ്‌ ബിനാലെ എന്ന കലാപ്രദര്‍ശനത്തോടെയാണ്‌ `ബിനാലെ' എന്ന വാക്ക്‌ പ്രചാരത്തിലായത്‌.