അമരിക്കയുടെ രാജ്യാന്തരവാണിജ്യവകുപ്പില്‍ ഡയറക്ടര്‍ ജനറലായി ഒരു മലയാളി നിയമിതനായി. ധനകാര്യ മാനേജ്‌മെന്റ് വിദഗ്ധന്‍ തിരുവനന്തപുരം സ്വദേശിയായ അരുണ്‍ എം. കുമാറാണ് ഈ അത്യുന്നതപദവിയിലെത്തിയിരിക്കുന്നത്. യു. എസ്. സര്‍ക്കാര്‍ കയറ്റുമതി വര്‍ധിപ്പിക്കാനുള്ള പദ്ധതികളുമായി മുന്നോട്ടുപോകുന്നതിനിടയിലാണ് അരുണ്‍കുമാറിന്റെ നിയമനമെന്നത് പ്രത്യേക പ്രാധാന്യത്തോടെയാണ് ലോകം നോക്കിക്കാണുന്നത്. വളരെ സുപ്രധാനമായ അഞ്ച് പദവികളിലേക്ക് പ്രസിഡന്റ് ഒബാമ നേരിട്ട് നിയമനം
നടത്തിയതില്‍ ഒന്നാണ് അരുണ്‍കുമാറിന്റേത്.
കേരള സര്‍വകലാശാലയില്‍നിന്ന് ബിരുദമെടുത്തശേഷം അമേരിക്കയിലെ പ്രശസ്തമായ മസാച്ചുസെറ്റ്‌സ് ഇന്‍സ്റ്റിറ്റിയൂട്ട് ഓഫ് മാനേജ്‌മെന്റില്‍നിന്ന് ഇദ്ദേഹം ബിരുദാനന്തരബിരുദവും നേടി. തുടര്‍ന്ന് വിവിധ കമ്പനികളില്‍ ഉന്നതതലജോലികള്‍ ചെയ്തു. 1993ല്‍ സ്വന്തമായി ആരംഭിച്ച പ്ലാനിങ് ആന്‍ഡ് ലോജിക് ഇന്റര്‍നാഷണല്‍ എന്ന സോഫ്റ്റ്‌വെയര്‍ കമ്പനിയില്‍ തുടര്‍ന്ന് രണ്ടുവര്‍ഷത്തേക്ക് പ്രവര്‍ത്തിച്ചു. രാജ്യന്തരതലത്തില്‍ പ്രശസ്തമായ ഓഡിറ്റ്, ടാക്‌സ് കണ്‍സള്‍ട്ടന്‍സി സ്ഥാപനമായ കെ.പി.എം.ജി.യില്‍ ഫിനാന്‍സ് മാനേജ്‌മെന്റ് ലീഡറായി 1995ല്‍ ജോലിയില്‍ പ്രവേശിച്ചു. അടുത്തയിടെ കെ.പി.എം.ജി.യില്‍നിന്ന് വിരമിക്കുമ്പോള്‍ വെസ്റ്റ് കോസ്റ്റ് ഫിനാന്‍സ് മാനേജ്‌മെന്റ് കണ്‍സള്‍ട്ടന്റായിരുന്നു.
യുഎസ് ഇന്ത്യ ബിസിനസ് കൗണ്‍സില്‍ ബോര്‍ഡ് ഓഫ് ഡയറക്‌ടേഴ്‌സില്‍ അംഗമാണ് അരുണ്‍കുമാര്‍. കൂടാതെ വിവിധ പ്രശസ്ത സര്‍വകലാശാലകളിലെ ഉപദേശകസമിതികളിലും ഇദ്ദേഹം അംഗമാണ്.
നടത്തിയതില്‍ ഒന്നാണ് അരുണ്‍കുമാറിന്റേത്.
കേരള സര്‍വകലാശാലയില്‍നിന്ന് ബിരുദമെടുത്തശേഷം അമേരിക്കയിലെ പ്രശസ്തമായ മസാച്ചുസെറ്റ്‌സ് ഇന്‍സ്റ്റിറ്റിയൂട്ട് ഓഫ് മാനേജ്‌മെന്റില്‍നിന്ന് ഇദ്ദേഹം ബിരുദാനന്തരബിരുദവും നേടി. തുടര്‍ന്ന് വിവിധ കമ്പനികളില്‍ ഉന്നതതലജോലികള്‍ ചെയ്തു. 1993ല്‍ സ്വന്തമായി ആരംഭിച്ച പ്ലാനിങ് ആന്‍ഡ് ലോജിക് ഇന്റര്‍നാഷണല്‍ എന്ന സോഫ്റ്റ്‌വെയര്‍ കമ്പനിയില്‍ തുടര്‍ന്ന് രണ്ടുവര്‍ഷത്തേക്ക് പ്രവര്‍ത്തിച്ചു. രാജ്യന്തരതലത്തില്‍ പ്രശസ്തമായ ഓഡിറ്റ്, ടാക്‌സ് കണ്‍സള്‍ട്ടന്‍സി സ്ഥാപനമായ കെ.പി.എം.ജി.യില്‍ ഫിനാന്‍സ് മാനേജ്‌മെന്റ് ലീഡറായി 1995ല്‍ ജോലിയില്‍ പ്രവേശിച്ചു. അടുത്തയിടെ കെ.പി.എം.ജി.യില്‍നിന്ന് വിരമിക്കുമ്പോള്‍ വെസ്റ്റ് കോസ്റ്റ് ഫിനാന്‍സ് മാനേജ്‌മെന്റ് കണ്‍സള്‍ട്ടന്റായിരുന്നു.
യുഎസ് ഇന്ത്യ ബിസിനസ് കൗണ്‍സില്‍ ബോര്‍ഡ് ഓഫ് ഡയറക്‌ടേഴ്‌സില്‍ അംഗമാണ് അരുണ്‍കുമാര്‍. കൂടാതെ വിവിധ പ്രശസ്ത സര്‍വകലാശാലകളിലെ ഉപദേശകസമിതികളിലും ഇദ്ദേഹം അംഗമാണ്.
No comments:
Post a Comment