നിലവിലെ ചാംപ്യന്‍ അന്ന ഉഷനീനയെ തീര്‍ത്തും നിഷ്‌പ്രഭമാക്കുന്ന നിലവാരമാണ്‌ ഫൈനല്‍ റൗണ്ട്‌ പോരാട്ടങ്ങളില്‍ ഹു യി ഫാന്‍ പുറത്തെടുത്തത്‌. ഫിഡെ ചാംപ്യന്‍ഷിപ്‌ നിയമമനുസരിച്ച്‌ പത്ത്‌ മത്സരങ്ങളടങ്ങുന്ന റൗണ്ടില്‍ ആദ്യം അഞ്ചര പോയിന്റ്‌ നേടുന്നയാള്‍ വിജയിയാകും. എന്നാല്‍ ഏഴാമത്തെ മത്സരമായപ്പോഴേക്കും ഹു ബഹുദൂരം മുന്നിലെത്തി വിജയമുറപ്പിച്ചു കഴിഞ്ഞിരുന്നു. ഇതില്‍ നാലെണ്ണത്തില്‍ ഹു വിജയം കണ്ടപ്പോള്‍ എതിരാളിക്ക്‌ ഒന്നുപോലും വിജയിക്കാനായില്ല. മൂന്ന്‌ കളികള്‍ സമനിലയില്‍ അവസാനിക്കുകയായിരുന്നു. അങ്ങനെ പോയിന്റ്‌നില 5.5 - 1.5. ഈ കിരീടം സ്വന്തമാക്കുന്ന ഏറ്റവും പ്രായം കുറഞ്ഞ കളിക്കാരിയുമായി ഹു.
ഗ്രാന്‍ഡ്‌മാസ്‌റ്റര്‍ നോം നേടുന്ന ഏറ്റവും പ്രായം കുറഞ്ഞ വനിതാ ചെസ്‌ താരവും ഹു തന്നെ. ഇപ്പോള്‍ വനിതാ താരങ്ങളില്‍ ലോക റാങ്കിംഗില്‍ മൂന്നാമതാണ്‌ ഹു യി ഫാന്‍.
ചൈനയിലെ ജിയാന്‍സു പ്രവിശ്യയിലെ ഷിന്‍ഹുവയില്‍ 1994 ഫെബ്രുവരി 27നാണ്‌ ഹു യി ഫാന്‍ ജനിച്ചത്‌.
No comments:
Post a Comment